די ברייט באקאנטע ׳אונטערן חבריא׳ וועלכע שטייט אונטער די פירערשאפט פונעם בארימטן ׳שטיינהויז פראדאקשן׳ האט היינט דאנערשטאג מיט גרויס עקסטאז אנאנסירט דעם נאמען פארן העכסט שפאנענדער און דראמאטישער שפיל וואס וועט פארקומען דעם קומענדיגן חוה״מ סוכות הבעל״ט.
נאך שפאנענדע חדשים פון בעפארגרייטונגען און פלאנירונגען, איז דעם מיטוואך געמאלדן געווארן פארן ברייטן ציבור דער נאמען פונעם שפיל – איבערן שטעטל וועלכער וועט אויפגעשפילט ווערן דורך די טאלאנטפולע אקטיארן פון די אונטערן חבריא פאר צענדליגער טויזענטער קינדער איבער דער גארער וועלט.
די אנאנסירונג איז פארגעקומען אין קעמפ אורות וועלכער געפינט זיך אינעם HCS רעזארט אין די קעטסקילס, דורך די לעגענדארע מייסטערן און פראדוצירער ר׳ שלמה שטיינמעץ הי״ו און ר׳ אליעזר נייהויז הי״ו. די נייעס איז אויפגענומען געווארן מיט גרויס ענטוזיאזם ביי די קינדער, און אצינד איז נאר געבליבן צו ווארטן געציילטע חדשים ביזן חג הסוכות הבעל״ט כדי צו קענען איינהאנדלען טיקעטס און געניסן פון א שמחת און עונג יו״ט.
אזוי אויך איז געמאלדן געווארן ביים אנאנסירונג אז די אונטערן חבריא גרייט זיך העפטיג צו א באזונדער מאסיוון ׳אונטערן׳ שפיל וואס וועט פארקומען דעם קומענדיגן חוה״מ פסח הבעל״ט צום באצייכענען גאנצע צוואנציג יאר זינט דעם גרינדונג פון די ׳אונטערן חבריא׳ וועלכער איז שוין היינט א נאמען וואס געפינט זיך א פלאץ אין יעדן היימישן שטוב. עס ווערט צוגעגרייט אומצאליגע פרישע חידושים וואס זענען נאך קיינמאל בעפאר געזען געווארן. וואס וועט זיין דער נאמען פונעם אונטערן שפיל? אויף דעם וועט מען שוין דארפן ווארטן.
