גרויסע נסים האט זיך אפגעשפילט נעכטן נאכמיטאג אין מחנה אהבת ישראל וויזניץ אין ליבערטי, ווען א צען יעריג קינד האט זיך ל"ע דערטראנקען אין סווימינג פול און פארלוירן דאס באוואוסטזיין רח"ל, און מיטן אויבערשטנס הילף האבן די הצלה וואלאונטירן באוויזן צו סטאביליזירן די מצב.
עס האט פאסירט ארום פינף אזייגער נאכמיטאג ווען די קינדער האבן געשווימען מיט געשמאק, מיטאמאל איז איינער פון די קינדער אריינגעפאלן אין וואסער און זיך דערטראנקען רח"ל. דאס קינד איז ארויסגענומען געווארן פון וואסער אין א גאר שווערע צושטאנד, און חברה הצלה איז אין איילעניש אלארמירט געווארן און צוריקגעברענגט דאס קינד צום באוואוסטזיין ב"ה, מען האט אים אפגעפירט אין שפיטאל פאר ווייטערדיגע אבזערוואציעס, און יעצט דאנערשטאג מיטאג איז ער ב"ה באפרייט געווארן פון שפיטאל אין א גוטע צושטאנד.
