מטעם קהל יטב לב ד'סאטמאר אין וויליאמסבורג ווערט היינט געמאלדן איבער די גרינדונג פון א נייע מפעל אינערהאלב די קהילה אונטערן נאמען "עסק", מיטן ציהל ארויסצוהעלפן די חברי הקהילה מיט ביזנעס אנגעלעגנהייטן, ארבעט שטעלעס, ארבעט טרענירונג, צוזאמענארבעט צווישן די ביזנעסלייט חברי הקהילה און דאס גלייכן.
די נייע מפעל ווערט געגרינדעט אונטער די דירעקטע השפעה און הדרכה פון הגה"צ אבד"ק סאטמאר וויליאמסבורג שליט"א בנו הגדול פון כ"ק אדמו"ר מסאטמאר שליט"א, וועלכער איז באקאנט מיט זיין ספעציעלע איבערגעגעבנקייט פאר אלע חסידים און חברי הקהילה, און אצינד מיט עפענונג פון די נייע מפעל וועט עס שטארק פארגרינגערן די חברי הקהילה בעניני פרנסה אין פארשידענע הינזיכטן.
צווישן די פילע סערוויסעס זעהט זיך אן א שטארקע אנוועזנהייט פון סוקסעספולע בעלי בתים אינערהאלב די קהילה וואס וועלן באגלייטן דעם מפעל טאג טעגליך, צושטעלן רייכע אינפאראמאציע, דרשות און רעדעס אין פארשידענע פעלדער, היימישע קורסעס זיך צו טרענירן אין עטליכע אינדוסטריעס, ארויסהעלפן מיטן שאפן ארבעט שטעלעס, רעקרוטירן היימישע ארבייטער, און פינאנציעלע הילף פאר ביזנעסלייט וואס ווילן שטייגן העכער מיט גרויס הצלחה.
