בלויז א טאג נאך די שרעקליכע טראגעדיע ווען א חשובער מרביץ תורה פון לעיקוואד איז נפטר געווארן, זייענדיג אויף א אויספלוג ביים דעלאווער ריווער אין פענסילוועניע, האט פאסירט א ענליכע געשיכטע נעכטן דינסטאג, ווען א ניין און פערציג יעריגער איד פון וואודמיר ניו יארק, ר' מרדכי בויהעם ע"ה, האט זיך דערטראנקען אין די דעלאווער ריווער אין א אנדערע געגנט.
ר' מרדכי בויהעם ע"ה איז געווען פון די באקאנטע אידן אין די וואודמיר געגנט אין די פייוו טאונס, א חשובער מתפלל אין ביהמ"ד בית אפרים יצחק אויף איילענד עוועניו. ער איז געווען אויף וואקאציע אין סטראודסבורג פענסילוועניע, און זייענדיג ביים וואסער אין די פאוקענאוס איז ער ליידער טראגיש נפטר געווארן, און טראץ די נאכאנאנדע פרואוון דורך עמערדזשענסי אגענטורן איז באשטעטיגט געווארן אז ער איז נישט בין החיים ה"י.
די לוויה איז פארגעקומען היינט פארמיטאג ביי ביהמ"ד בית אפרים יצחק אין וואודמיר.
