פיר היימישע אינגעלייט פון ארץ ישראל זענען געווען פארמישט היינט אין א שרעקליכע עקסידענט נישט ווייט פון שטאט קערעסטיר אין אונגארן, צוויי געפונען זיך אין א שווערע צושטאנד, און די אנדערע צוויי זענען לייכט פארוואונדעט געווארן.
די עקסידענט האט פאסירט געציילטע מינוט פון שטאט קערעסטיר, די אינגעלייט פון ארץ ישראל זענען געווען אונטערוועגנס צו מתפלל זיין ביים ציון הק' פונעם הייליגן צדיק רבי ישעי'לע קערעסטירער זי"ע, ווען מיטאמאל האט א גרויסע טראק אריינגעקראכט אין זייער קאר, און צושמעטערט די קאר אויף א שוידערליכע פארנעם.
די צוויי אידן וואס זענען געזעסן אין פארנט זענען גאר שווער פארוואונדעט געווארן, און געפירט געווארן מיט א העליקאפטער אין שפיטאל, אין די צייט וואס די אנדערע צוויי זענען אויך געווארן אפגעפירט אין שפיטאל, לאקאלע עסקנים פון קערעסטיר זענען געפארן אין שפיטאל ארויסהעלפן מיט וואס מעגליך, און כלל ישראל איבער די וועלט ווערט געבעטן צו דאווענען פאר זייער רפואה.
די נעמען זענען ווי פאלגענד: אברהם אליעזר בן טשארנא לאה, חיים ישעי' בן הינדא בלומא, מאיר צבי בן שרה אסתר, און ישראל פנחס בן שרה.
