חסידי בעלזא אין ניו יארק גרייטן זיך צו מקבל פנים זיין הרה"צ ר' אהרן מרדכי רוקח שליט"א בנו יחידו וחביבו פון כ"ק אדמו"ר מבעלזא שליט"א, וועלכער קומט אן צוגאסט קיין ניו יארק דעם קומענדיגן דינסטאג, צו באשיינען די שמחת החתונה פון א אייניקל ביי זיין שווער כ"ק גאב"ד מאקאווא שליט"א וואס קומט פאר אין מאנסי.
דינסטאג כי תצא וועט ער לאנדן אין ניו יארק, און דורכאויס די באזוך פון עטליכע טעג וועט ער זיך אויפהאלטן אין מאנסי בקרב חסידי בעלזא, שבת קודש וועט ער מיטהאלטן די שבת שבע ברכות בחצרות מאקאווא – זוועהיל, פרייטאג ערב שבת וועט פארקומען א מעמד הכנסת ספר תורה וואס ווערט אריינגעגעבן צום בעלזא בית המדרש אויף מעין סטריט, און מוצאי שבת וועט פארקומען א גרויסע מעמד חנוכת הבית פארן בית המדרש אויף מעין סטריט.
אזוי אויך וועט ער באזוכן דורכאויס די וואך אין די קהילות און מוסדות דחסידי בעלזא אין מאנסי, קובע זיין מזוזות ביי די נייע אפיסעס שע"י קהל מחזיקי הדת בעלזא, און ארויפגיין באזוכן בבתי אדמורי"ם ורבנים.
