שטייענדיג שוין געציילטע טעג בפרוס ימי הרחמים והרצון, איז אונטערגענומען געווארן א פרישע פראיעקט אין אלכסנדר בית המדרש אין בארא פארק, צוצולייגן א פראוועזארישע פליגל צום בית המדרש צו פארגרינגערן די געדרענג וואס הערשט אין ביהמ"ד בימי הרחמים והרצון.
ווי יעדעס יאר איז ערווארטעט א ציבור חסידים וואס קומען צו פארן פון ארץ ישראל און אנדערע פלעצער להסתופף בצל הקודש פון כ"ק אדמו"ר מאלכסנדר שליט"א, און צוליב די ריבוי העם איז נישט מעגליך צו פלאצירן יעדן אינעם היכל בית המדרש ווי געווענליך. דעריבער האט די הנהלת הקהילה געלאזט אויפבויען א צייטווייליגע פלאטפארמע אויפן דרויסענדיגע שטח הארט נעבן ביהמ"ד, וואו עס ווערט צוגערישט א פראוועזארישע ווייבער שוהל מיט פענסטערס אריין אין שוהל, אזוי אז די גאנציעריגע ווייבער שוהל קען צוגעלייגט ווערן צום היכל ביהמ"ד צוצוברענגען נאך צענדליגע זיץ פלעצער מיט הרחבת הדעת.
נאך ראש השנה וועט דארט געשטעלט ווערן די סוכה הגדולה פאר די עריכת השולחנות פונעם אלכסנדר רבי'ן שליט"א, די פראיעקט ווערט אהערגעשטעלט דורך די בארימטע רענטעסטיק פירמע וואס שטעלט צו פארטי רענטל און אזעלכע איינריכטונגען צו קענען אקאמאדירן א גרויסע ציבור מענטשן. צו אנקומען צו רענטעסטיק רופט: 855.397.3681
