יעצט נאכמיטאג איז דער רעפאבליקאנער פרעזידענט קאנדידאט און געוועזענער פרעזידענט דאנאלד טראמפ, אנגעקומען אויף א באזוך צום אהל פון אדמור"י חב"ד אין קווינס, שטייענדיג אין די יארטאג למספרם פון די שרעקליכע טעראר מלחמה אין ארץ ישראל פארלאפענע שמחת תורה, און קארגע פיר וואכן בעפאר די פרעזידענטליכע וואלן נאוועמבער 5.
א שטארקע זיכערהייט קראפט איז פארהאן אויפן ארט, אנגעהויבן פון די צופרי שעות, די סיקרעט סערוויס באוואכט די גאנצע געגנט און ערלויבט נישט קיין מענטשן אריינצוגיין אויסער די באשטימטע באגלייטער.
טראמפ איז אריין אין אהל ארום האלב נאך צוויי, נאכן ווערן באגריסט דורך עטליכע פארשטייער פון חסידי חב"ד און עלטערע חסידים, ביים ציון הק' פון הרה"ק מליובאוויטש זצ"ל האט ער ווידער גערעדט מיט עטליכע עסקנים אויפן פלאץ און פארשפראכן זיין שטענדיגע הילף פאר אידישע קינדער.
