שטייענדיג געציילטע טעג בעפאר די הייליגע טאג יום כיפור, וואס ברענגט ווי פארשטענדליך פילע קאמפליצירטע שאלות פאר עלטערע אידן, און אידישע קינדער וואס מוטשענען זיך אין געזונט, איז אהערגעשטעלט געווארן א ספעציעלע פראיעקט דורך בית הוראה נטעי גבריאל, אין שפיץ פונעם ריזן פוסק הגאון הגדול רבי גבריאל ציננער שליט"א.
די פראיעקט שטעלט אהער א צוזאמענארבעט פון דיינים מופלגים אינאיינעם מיט העכסט פראפעסיאנאלע דאקטוירים, וואס וועלן אינאיינעם דורכטון יעדע סארט שאלה פון ביידע קוק ווינקלען, סיי פון די הלכה'דיגע זייט און סיי פון די מעדיצינישע זייט. די דאקטוירים וועלן זיין עוועיליבעל אין בית הוראה יעדע נאכט ביז יום כיפור, צו ענטפערן סיי וועלכע שאלה איבער פאסטן יום כיפור.
