מיט גרויס צער און טרויער ווערט אויפגענומען די שווערע בשורה פון ארץ ישראל, איבער די פטירה פון הגה"צ ר' אברהם אליהו וואזנער זצ"ל אבד"ק שבט הלוי אין בראכפעלד, בנו חביבו פון כ"ק הגה"ק מרן בעל שבט הלוי זי"ע, און איידעם ביי הגה"צ ר' אברהם שלמה כ"ץ זצ"ל מריסקאווא, גאב"ד שיכון קרית יואל סאטמאר בני ברק.
דער רב זצ"ל איז אויפגעוואקסן אויפן שויס פון זיין גרויסן פאטער הרב וואזנער זצ"ל, אלס קינד האט ער געלערנט אין די סאטמארע חדר אין בני ברק, און אלס בחור אין ישיבת חכמי לובלין אין בני ברק אלס תלמיד פון זיין גרויסן פאטער. ער האט ממשיך געווען מיט הרבצת התורה אלע יארן און עוסק געווען בכתיבת סת"ם. ער האט משמש געווען ברבנות אין קהל שבט הלוי אין בראכפעלד, לבקשת אביו הגדול, אבער ער האט זיך קיינמאל נישט אוועקגעצויגן פון בני ברק נישט וועלנדיג פארלאזן זיין גרויסן פאטער.
די לעצטע פאר יאר איז ער ליידער זייער נישט געזונט געווען, און היינט נאכמיטאג איז ער נפטר געווארן לחיי העולם הבא, אין עלטער פון אכט און זיבעציג יאר, איבערלאזנדיג א שיינעם דור בליעה"ר. די לוויה קומט פאר יעצט ביינאכט אין ארץ ישראל, פון ביהמ"ד הגדול ישיבת חכמי לובלין אין שכונת זכרון מאיר אין בני ברק.
