מטעם קהל דברי יואל ד'סאטמאר אויף העריסאן עוועניו אין וויליאמסבורג, איז פאררופן געווארן אויף מארגן זונטאג א ספעציעלע עצרת התעוררות והתחזקות פאר אלע חברי הקהילה און מתפללי בית המדרש, נאך וואס די קהילה האט געליטן צוויי שווערע קלעפ אין די לעצטע פאר וואכן.
ארום צוויי וואכן צוריק זענען נפטר געווארן צוויי יונגע מתפללים פון בית המדרש, האברך החשוב ר' יוסף מאיר נחמן רייך ע"ה, און האה"ח מרת גאלדא שימענאוויטש ע"ה אשת הרה"ח ר' בערל שימענאוויטש הי"ו מחשובי חברי הקהילה. ביידע האבן זיך געמוטשעט א לענגערע צייט מיט די ביטערע מחלה ה"י, און האבן איבערגעלאזט קינדער געבענטשטע שטיבער אינדערהיים יתומים און יתומות.
די עצרת וועט פארקומען זונטאג אויפדערנאכט אינעם היכל בית המדרש אויף 161 העריסאן, עס וועלן אויפטרעטן הגה"צ ר' מאיר צוויבל שליט"א מח"ס נר המאיר, און הגה"צ ר' בערל גורעלניק שליט"א ר"ם בישיבת מאור יצחק.
