א פארשוין איז היינט צופרי ארעסטירט געווארן אין בארא פארק, נאך וואס ער האט וואנדאליזירט עטליכע הייזער און א ישיבה געביידע, און צוקלאפט א דורכגייער אויפן גאס.
דער פארברעכער איז באמערקט געווארן נאך זעקס אזייגער פארטאגס, ווען איינוואוינער האבן באריכטעט קולות פון צובראכענע פענסטער און האקערייען, נאך א קורצע זוכעריי דורך שומרים וואלאונטירן האבן זיי באמערקט דעם פארשוין גיין פון הויז צו הויז און אנמאכן שווערע שאדן מיט העק און זעק, צווישן די הייזער וואס זענען וואנדאליזירט געווארן איז די הויז פון כ"ק אדמו"ר מאלעסק שליט"א, און אזוי אויך א ישיבה געביידע דארט אין די געגנט.
אויך האט ער אטאקירט א מענטש אויפן גאס און אים שווער צושלאגן, א גרופע שומרים וואלאונטירן האבן נאכגעקוקט דעם פארברעכער און אלארמירט די פאליציי, וועלכע האבן אים ארעסטירט און אנגעקלאגט אין געריכט, חברה הצלה איז אלארמירט געווארן צו שענקן הילף פאר דעם צוקלאפטן מענטש.
