אין די יעצטיגע טעג איז געלאזט געווארן אין גאנג א פרישע קאמפיין אויפצוטרייבן גרויסע געלטער צו קענען דעקן די שווערע חובות וואס הויערט אויף די הנהלת המוסדות דק"ק טשערנאביל בארץ הקודש, כ"ק אדמו"ר מטשערנאביל שליט"א האט דעם דאנערשטאג משמיע געווען ספעציעלע דברות קודש אין בעפארברייטונג צו די גרויסע מגבית אנציווארעמען די חסידים ארויסצוהעלפן די מוסדות הקדושים אין צייט פון נויט.
ווי באקאנט האט דער טשערנאבילער רבי שליט"א געשטעלט א נייע וועד פאר די הנהלת המוסדות מיט עטליכע וואכן צוריק, און כדי צו דעקן די שווערע חובות און מסדר זיין די מוסדות הק' אויף א שטאנדהאפטיגע פארנעם, גרייט מען זיך אצינד צו שאפן ריזיגע געלטער פון נדיבים בעם מיטן הילף פון אחינו בני ישראל.
מטעם בית כ"ק אדמו"ר מטשערנאביל שליט"א איז געמאלדן געווארן אז דעם קומענדיגן שבת קודש פרשת ויצא וועט געגעבן ווערן א ספעציעלע געלעגנהייט פאר די גרעסערע נדיבים און תומכים, צו מיטהאלטן א אייגענארטיגע שבת בצילא דמהימנותא עילאה, בצל הקודש פון כ"ק אדמו"ר מטשערנאביל שליט"א, עס וועט פארקומען אין שטעטל דאוואס אין שווייץ וואו דער רבי וויילט אויף אפרוה.
