דעם שבת פרשת ויגש האט זיך געעפנט אין מאנסי א נייע סאטמארער בית המדרש, דאסמאל אין די ספרינג וואלי געגנט אויף די פעיקין גאס, די בית המדרש וואס איז געבויעט געווארן דורך הנגיד החסיד ר' משה יצחק לאנדא הי"ו מחשובי חסידי סאטמאר, און ווערט גערופן לשמו ולזכרו פון הרה"ק בעל ברך משה מסאטמאר זי"ע.
די בית המדרש איז א הערליכע געביידע וואס איז געבויעט געווארן בליץ שנעל אין קארגע דריי חדשים, און ווי עס שיינט וועט מען בקרוב דארפן צובויען, נאך וואס שוין אינעם ערשטן שבת איז געווען איבערגעפולט אלע פלעצער. דאנערשטאג נאכט מוצאי זאת חנוכה איז פארגעקומען א מעמד חנוכת הבית און קביעת מזוזה אינעם נייעם בית המדרש, אין שפיץ פון הגה"צ ר' אברהם הערש וואזנער שליט"א אבד"ק סאטמאר מאנסי.
