היינט קומט פאר די גרויסארטיגע מעמד חנוכת הבית פאר די נייע בנין בית רחל ד'סאטמאר אין בארא פארק, אינעם נייעם גרויסן אוידיטוריום אין די נייע געביידע, אינאיינעם מיט די שמחת השבע ברכות בחצר הקודש סאטמאר, אין שפיץ פון כ"ק אדמו"ר מסאטמאר שליט"א.
שמחת בית וויזניץ: היינט קומט פאר די צענטראלע שמחת השבע ברכות פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין זון הגה"צ ר' אברהם יהושע העשיל האגער שליט"א, איידעם ביי כ"ק אדמו"ר מבארניב שליט"א, מיט די כלה א טאכטער פון כ"ק אדמו"ר מוויזניץ שליט"א פון מאנטריאל. - די שמחת השבע ברכות קומט פאר אין ביהמ"ד אהבת ישראל וויזניץ אין מאנטריאל.
היינט קומט פאר די מעמד תורה וגדולה בחצר הקודש באבוב 45, סיומי מסכתות הש"ס וואס איז געלערנט געווארן אין ראם פון כולל בעלי בתים תורתן קבע, אין שפיץ פון כ"ק אדמו"ר מבאבוב 45 שליט"א.
היינט קומט פאר די מעמד הכתרה בחצר הקודש ראחמיסטריווקא אין לעיקוואד, לכבודו פונעם נייעם דיין אין די קהילה הרה"ג ר' יואל ברייער שליט"א עס קומט פאר אין ראחמיסטריווקא בית המדרש אויף איסט קאונטי ליין אין לעיקוואד.
היינט י"ט טבת געפאלט די צוועלפטע הילולא קדישא פון כ"ק אדמו"ר הרה"ק בעל עקבי אבירים מסאדיגורא זצ"ל, די אייניקלעך כ"ק האדמורי"ם שליט"א לבית סאדיגורא וועלן אפרעכטן די יארצייט טישן ברוב עם.
כ"ק אדמו"ר מבלאזוב ריבאטיטש שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון זקינו הרה"ק בעל בני יששכר זי"ע, אין ביהמ"ד זכרון יואל אין לעיקוואד.
היינט קומט פאר די יערליכע מלוה מלכה לטובת כולל זכרון מנחם אין מאנסי, אין זאל פון ביהמ"ד קארלין סטאלין.
היינט קומט פאר די יערליכע מלוה מלכה לטובת ביהמ"ד בית מרדכי ד'באניא אין מאנסי, אין שפיץ פון כ"ק אדמו"ר מבאניא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
