אין די יעצטיגע טעג האט די פארוואלטונג פון די וויזניצע בית החיים אין מאנסי, אונטערגענומען א גרעסערע פראיעקט מיטן ציהל ארויסצוהעלפן די טויזענטער מתפללים ביי די קברי צדיקים און קברי אבות, מיטן אהערשטעלן א גענויע מאפע און דעטאלירטע שילדן לענגאויס די גאנצע בית החיים, וואס צייגט אן גענוי ווי מען געפונט זיך, איינגעטיילט לויט פארשידענע סעקשאנס, און פונקטליכע לאקאציעס פון יעדע מקום קבורה באשטימט לויט א שורה און א נומער.
איבערהויפט איז אויסגעשטעלט געווארן ספעציעלע טאוולען וואס צייגט אן אין וועלכע ריכטונג צו גיין מתפלל זיין ביי די קברי צדיקים, נאך וואס אין די לעצטע יאר זענען באערדיגט געווארן נאך א צאל גרויסע צדיקים וקדושים אין דעם הייליגן בית עלמין, אריינגערעכנט כ"ק אדמו"ר בעל ישועת יעקב מסקולען זצ"ל, און כ"ק אדמו"ר מקאסוב זצ"ל.
