שטייענדיג מער צוויי יאר זינט די פריצייטיגע פטירה פונעם לעגענדארן עסקן הרב יעקב מאיער ע"ה, גרינדער פון די וועלט באקאנט מתעסקים ארגענעזאציע, און טעטיגער עסקן לכל קדשי בית ישראל אין ניו יארק און אנדערע געגנטער, איז נעכטן פארגעקומען א פארמאלע אפשטימונג דורך די היימישע עסקנים אינערהאלב די קאמיוניטי באורד 12 וואס פארטרעט דעם היימישן ציבור אין בארא פארק, צו געבן א נאמען פאר א גאס אין בארא פארק, אין אנדענק פון ר' יעקב ע"ה.
די געדאנק צו באשטימען א גאס אין אנדענק פון העסקן ר' יעקב, איז אויפגעברענגט געווארן דורך דער ברוקלין בארא פרעזידענט א שטיק צייט צוריק, און נעכטן נאכמיטאג האבן די היימישע עסקנים אינערהאלב די קאמיוניטי באורד 12 זיך צוזאמגענומען און געגעבן א פארמאלע אפשטימונג דערויף.
לויט די פארשריפטן ווערט די פלענער געשיקט אצינד צו די ניו יארק סיטי קאונסיל און די טראנספארטאציע דעפארטמענט, און דערנאך וועט עס פאקטיש ווערן דורכגעפירט מיטן געבן די נייע נאמען אויפן גאס אין אנדענק פון ר' יעקב, די רעדע איז פון די זעכצנטע עוועניו, צווישן די אכט און פופציגסטע און ניין און פופציגסטע סטריטס.
