טראץ וואס מען שטייט נאך ווייניגער ווי א האלבע יאר זינט עס איז געלייגט געווארן די אבן הפינה פאר די נייע יונגל קעמפ מחנה בני בעלזא אין וואודרידזש, האלט מען שוין גאר ווייט אריין אין די בוי פראיעקט, ווען העכער אלע ערווארטונגען זעהט מען שוין די געביידעס ווערן אויפגעשטעלט.
די מאסיווע פראיעקט איז א חידוש אין די קעטסקיל בערג, ווען די בוי ארבעט גייט אן אין פולן שוואונג טראץ די שווערע ווינטער וועטער וואס הערשט דארט אין די יעצטיגע חדשים, מיטן איין איינציגן ציהל צו אהערשטעלן דעם פאסיגן אכסניא אז די הונדערטער קינדערלעך תלמידי המוסדות זאלן שוין האבן א געהעריגע קעמפ וואו צו פארוויילן דעם קומענדיגן זוממער הבא עלינו לטובה.
אצינד ווען מען גרייט זיך צו די געהויבענע באזוך פון הגה"צ ר' אהרן מרדכי רוקח שליט"א בנו יחידו פון כ"ק אדמו"ר מבעלזא שליט"א, וועלכער איז ערווארטעט צו מופיע זיין בשערי ניו יארק דעם חודש אדר הבעל"ט אויפצוטרייבן שטיצע און אוועקשטעלן א פעסטע יסוד צו פינאנצירן דעם מאסיוון פראיעקט אויפצובויען די נייע קעמפ, ווערט אנטפלעקט די וואונדערליכע בילדער פון די בוי ארבעט וואס גייט אן אויפן שטח הבניה אין וואודרידזש, ווען די העכער הונדערט ארבייטער ארבעטן טאג טעגליך זיך פאראויסצורוקן מיט יעדע פארבייגייענדע שעה.
