א העלישע פייער ברענט אין א באוואוינטע געביידע אין קראון הייטס, אין סאמע ברען פון די חסידישע געגנט נישט ווייט פון די חב"ד הויפטקוואטיר אויף איסטערן פארקוועי, און לויט די באריכטן זענען א צאל אידישע איינוואוינער געווען פארכאפט אין די ברענענדיגע געביידע רח"ל.
די פייער האט זיך אנגעהויבן בערך א האלבע שעה צוריק אין א באוואוינטע דירה אויף 658 איסטערן פארקוועי, עס האט זיך פארשפרייט צו ארומיגע דירות, און א צאל אידן זענען שווער פארוואונדעט אין א קריטישע צושטאנד, און ווערן באהאנדלט דורך לאקאלע הצלה וואלאונטירן.
א מאסיווע עמערדזשענסי אנוועזנהייט געפונט זיך אויפן סצענע, מיט פילצאליגע אמבולאנסן און הצלה וואלאונטירן וואס באהאנדלן די סיטואציע. אזוי אויך האט מען אריינגערופן הילף פון דערנעבענדיגע חברה הצלה פון וויליאמסבורג, בארא פארק, און פלעטבוש, און אידישע קינדער זענען מתפלל פאר די וואוילזיין פון די אידישע ברידער וואס געפונען זיך בעת צרה.
