נאך א לאנגע סעריע פון פארשידענע שמועות איבער א באשטעטיגטע איינלאדענונג פונעם אמעריקאנעם פרעזידענט דאנאלד טראמפ, אז ער וויל זיך טרעפן מיט צוויי גדולי ישראל, כ"ק אדמו"ר מסאטמאר שליט"א, און ראש הישיבה הגאון הגדול רבי שאול אלתר שליט"א, איז היינט געמאלדן געווארן אז די באזוך וועט נישט פארקומען אין די נאנטע וואכן, צוליב די אנגעשטרענגטע סקעדזשול ביים פרעזידענט.
א קלארע באשטעטיגונג איז קיינמאל נישט געמאלדן געווארן, אבער פארשידענע שפעקולאציעס זענען געמאכט געווארן אהין און צוריק, איבערהויפט אין די לעצטע פאר טעג ווען מען שטייט שוין עטליכע וואכן אריין אין די פרישע קאדענץ פון פרעזידענט טראמפ. היינט איז אבער אפיציעל געמאלדן געווארן דורך הרב יהודה קאפלאן, אידישער געהילף פונעם פרעזידענט, אז די באזוך וועט נישט פארקומען אין די נאנטע וואכן, צוליב וואס די ערשטע הונדערט טעג אינעם פרעזידענטליכן טערמין זענען היבש אנגעשטרענגט, און דער פרעזידענט איז פארנומען איבערן קאפ אויסצופירן זיינע אגענדעס, ווי מען זעהט טאקע קלאר אין די טעגליכע נייעס.
