כלל ישראל איז טיף צושאקלט פון די שווערע נייעס וואס מען הערט פון סיריע, אז די ציון הק' פונעם צדיק וקדוש רבי חיים וויטאל זי"ע איז שענדליך וואנדאליזירט געווארן דורך א גרופע פארברעכער, שטייענדיג בלויז צוויי טעג בעפאר די יומא דהילולא קדישא וואס געפאלט ראש חודש אייר.
עס האט פאסירט דעם פרייטאג ווען א גרופע פארברעכער האבן זיך איינגעבראכן ביים ציון הק', און האבן אויסגעגראבן א גרויסע לאך אין די ערד צו זוכן פאר אנטיק און טייערע אביעקטן, זיי האבן געזוכט צווישן די קברים פאר עצמות קודש און טייערע זאכן, איידער זיי זענען אנטלאפן פון ארט.
די ארטיגע זיכערהייט באאמטע אין דמשק האבן געעפנט א אויספארשונג, און די אידישע געמיינדע אין דמשק לייגט גרויס דרוק אויף די סירישע רעגירונג צו נעמען מער זיכערהייט שריט און באשיצן די אידישע בית החיים און אידישע צענטערן אין לאנד.
