גאר שווערע נייעס הערט מען פונעם עיר התורה לעיקוואד אין ניו דזשערזי, אז א קאר פול מיט בחורים איז געווען פארמישט היינט צופרי אין א שווערע עקסידענט, און צוויי בחורים זענען ליידער אומגעקומען אויפן פלאץ רח"ל, ווען נאך אנדערע זענען פארוואונדעט געווארן.
די בחורים זענען געפארן אויף נארט האופ טשעפל ראוד ביים אינטערסעקשן פון ניו סענטראל עוועניו אין דזשעקסאן, די קאר האט אריינגעקראכט אין א בוים אויף די זייט פון די ראוד, און אין רעזולטאט איז די קאר ארויף אין פלאמען, ווען די בחורים זענען פארכאפט אין די קאר אן קיין וועג ארויס.
צוויי בחורים זענען ליידער נפטר געווארן אויף א טראגישע פארנעם, נאך איינער איז אין א ערנסטע געזונט צושטאנד, און נאך עטליכע זענען לייכט פארוואונדעט. עסקנים געפונען זיך אויפן סצענע מיט לאקאלע באאמטע צו פארזיכערן כבוד המת, און מער פרטים איז דערווייל נאכנישט געמאלדן געווארן.
שנשמע ונתבשר בשורות טובות.
