פרייליכע נייעס פון הרחבת גבולי הקדושה ווערט געמאלדן פאר כלל חסידי בעלזא איבער די וועלט, אז די בעלזא קהילה אין מאנטשעסטער האט אין א מזל'דיגע שעה אונטערגעשריבן קאנטראקט אויף א נייע געביידע מיט א גרויסע שטח ארום אין די לויער ברויטען געגנט, וואו עס וועט ווערן אהערגעשטעלט א נייע בית המדרש פאר די אינגעלייט חסידי בעלזא תושבי השכונה.
די בעלזא קהילה אין מאנטשעסטער איז גאר שטארק געוואקסן אין לויף פון די לעצטערע יארן, און די צאל חברי הקהילה האט שטארק ארויסגעברענגט די וויכטיגקייט פון אפקויפן א פרישן בנין אין די לויער ברויטען געגנט פאר א באזונדערע בית המדרש. היינט מיטוואך האט מען אין א מזל'דיגע שעה אונטערגעשריבן קאנטראקט בברכתו ובעידודו פון כ"ק אדמו"ר מבעלזא שליט"א, אויפן מקח וואס קאסט אפ א מיליאן פונט.
