א היסטארישע אנטוויקלונג האט זיך אפגעשפילט היינט אויף די אוקראינע באדן, ווען דער פרעזידענט פון אוקראינע וולאדימיר זעלענסקי האט געשאנקען א ספעציעלע מעדאל פארן באקאנטן הויפט רב פון אוקראינע הרב משה אסמאן, אנערקענענדיג זיינע פילע לייסטונגען פאר אידן אין אוקראינע, און פאר די גאנצע לאנד אין יעדע צייט.
די ספעציעלע מעדאל "די ארדער אוו מעריט" איז די העכסטע מעדאל וואס איז געשאנקען געווארן פאר א אידישע רב אין אוקראינע היסטאריע, פרעזידענט זעלענסקי האט שוין פארגעשלאגן צו געבן דעם מעדאל פאר הרב אסמאן מיט עטליכע וואכן צוריק, אבער נאך וואס יענע חאגע איז אויסגעפאלן אין שבת, האט הרב אסמאן דערקלערט אז ער קען נישט ערשיינען צו א עפנטליכע אווענט אין דעם טאג.
היינט דינסטאג ווען עס ווערט אפגעצייכנט אין אוקראינע א נאציאנאלע חאגע, איז פארגעקומען א ספעציעלע פארזאמלונג מיט אלע רעגירונגס לייט פון לאנד און גאווערמענט אפישעלס, ווען פארנט פון יעדן האט פרעזידענט זעלענסקי געשאנקען דעם מעדאל פאר הרב אסמאן, שאפנדיג א קידוש השם איבער די גאנצע וועלט.
