א שרעקליכע שיסעריי אטאקע האט פאסירט נעכטן נאכמיטאג אין א גרויסע וואלקן קראצער געביידע אין מידטאון מאנהעטן, וואס האט געקאסט דאס לעבן פון עטליכע מענטשן אין די געביידע, אצינד הערט מען ליידער אז א אידישע פרוי וואס האט געפירט א גרויסע ביזנעס אין יענע געביידע, איז ליידער טראגיש אומגעקומען רח"ל אויפן סצענע.
די שיסעריי האט זיך אפגעשפילט ארום האלב נאך זעקס נאכמיטאג, אין די הויכע געביידע אויף 345 פארק עוועניו אין מידטאון מאנהעטן, וואו עס געפונען זיך די הויפטקוואטירן פון א רייע פרעזטיזשפולע ביזנעסער, אריינגערעכנט די בלעקסטאון פירמע וואו די אידישע פרוי מרת מיכל זיווה בת ארי' לייב ע"ה האט געארבעט אלס עקזעקוטיוו דירעקטאר.
דער שיסער וועלכער איז אידענטיפיצירט געווארן אלס שעין דעיוואן טאמורא פון לאס וועגאס האט פארמאגט א רעקארד פון מענטל העלט פראבלעמען, אבער נישט קיין ערנסטע קרימינאלע רעקארד, ער האט זיך אליינס געשאסן נאך וואס ער איז אנגעקומען צו א אנדערע שטאק ווי זיין ארגינעלע פלאן, אבער שוין נאכן אומברענגען פיר מענטשן, אריינגערעכנט די אידישע פרוי, און א פאליציי אפיציר וואס האט געדינט אלס זיכערהייט וועכטער פאר די געביידע.
די אידישע פרוי מרת מיכל זיווה בת ארי' לייב ע"ה איז געווען א מעמבער אין די אלטניי שוהל אין די אפפער איסט סייד, וואס געפונט זיך נישט ווייט פון די לאקאציע וואו די שיסעריי איז דורכגעפירט געווארן. זי איז געווען דריי און פערציג יאר אלט, און לאזט איבער א משפחה מיט קינדערלעך אינדערהיים.
