א שאקירנדע אינצידענט האט זיך אפגעשפילט היינט צופרי אין די גרויסע שוהל פון קהילת שומרי הדת אין אנטווערפן, ווען די מתפללי בית המדרש און חברי הקהילה זענען געווארן אויפגעשוידערט צו טרעפן העסליכע ווערטער אנגעפירקלט אויף די וואנט פון שוהל, צייגענדיג אויף אנטיסעמיטישע באוועגונגען אין שטאט.
די גרויסע בית הכנסת דקהל שומרי הדת איז פון די גרעסטע שוהלן אין שטאט, און ווערט געפירט דורך הגה"צ ר' פנחס לייבוש פאדווא שליט"א גאב"ד קהילת שומרי הדת, אין די יעצטיגע וואכן איז די שטאט כמעט ליידיג, ווען רובא דרובא פון די היימישע אידן פארן ארויס צו די ארומיגע לענדער אין אייראפע אויף וואקאנס, און וואקאציאנירן אין שווייץ, עסטרייך, פראנקרייך, און ארום.
היינט צופרי זענען די מתפללים געווארן אויפגעשוידערט, ווען זיי האבן געזעהן אנגעפירקלט אויף די וואנט פון די שוהל, די ווערטער "די אידן זענען די וואס הארגענען קינדער" רח"ל. די עסקני הקהילה האבן זיך באלד פארבינדן מיט די ארטיגע פאליציי, וואס זאגן אז זיי פארשן אויס די אינצידענט.
