אין די יעצטיגע טעג ווערט אויפגעדעקט א שרעקליכע געשיכטע, ווען א אידישע בחור איז פאראורטיילט געווארן צו טויט שטראף אינעם ווייטן איראק, און וואו מען הערט איז פארהאן שטארקע שאנסן אים צו קענען ראטעווען.
הב' בנימין כאסין נ"י וואס וואוינט אין ארץ ישראל, איז געפארן באזוכן משפחה מיטגלידער אין שטאט קורדיסטאן אין איראק. זייענדיג דארט אין קורדיסטאן איז ער געפארן מיט א טעקסי, און ווען דער טעקסי דרייווער האט באמערקט אז ער איז א איד האט ער אים געוואלט איבערגעבן פאר שענדליכע פארברעכער. דער בחור האט זיך אריענטירט און צוריקגעשאסן, און דער טעקסי דרייווער איז געשטארבן פון די וואונדן.
דער בחור איז געווארן אנגעקלאגט אין געריכט, און שמאכטעט אצינד אין א ביטערע טורמע אין איראק, אין די צייט וואס ער איז פאראורטיילט געווארן צו טויט שטראף. ווי מען הערט פון טעטיגע עסקנים איז פארהאן פאזיטיווע שאנסן אים צו ראטעווען, דורכ'ן אונטערקויפן די משפחה מיט געלט.
אין די "שריפט" אויסגאבע ווערט די וואך אויפגעדעקט די גאנצע האר אויפשטעלנדע געשיכטע, דורכ'ן באקאנטן שרייבער און לאנגיעריגער דזשורנאליסט ר' שמעון ראלניצקי הי"ו, מיט אלע דעטאלן ארום די שרעקליכע מעשה.
