גרויסע נסים האט זיך אפגעשפילט היינט פארטאגס ביים וואסער ברעג אין דיעל ניו דזשערזי, ווען א גרופע היימישע ישיבה בחורים פון מאנסי זענען געפארן זעהן נפלאות הבורא, און זענען אריינגעשלעפט געווארן אין וואסער רח"ל אין די שווערע כוואליעס.
די גרופע פון ארום פופצן בחורים האבן אויסגענוצט די בין הזמנים טעג, און היינט פארטאגס ארויסגעפארן צום וואסער ברעג צו זעהן די נפלאות הבורא ווען די זון שיינט אויף אויפן וואסער האריזאנט, זייענדיג דארט ביים וואסער זענען פיר בחורים געווארן אריינגעשוועמט אין וואסער פון די ווילדע כוואליעס, און הצלה לייט זענען אלארמירט געווארן צו שענקן הילף פאר די פארוואונדעטע.
צוויי בחורים זענען געווארן אפגעפירט אין שפיטאל, און געפונען זיך ב"ה אין א סטאבילע צושטאנד.
