אלפי חסידי וויזניץ וועלן זיך היינט צוזאמנעמען אויף אן עצרת תפילה צו מעורר זיין רחמי שמים לרפואתו השלימה פון כ"ק אדמו"ר מוויזניץ שליט"א, וועלכער איז ליידער נאך אין א שווערע צושטאנד, און איז אנגעוויזן אויף רחמי שמים, לרפואת כ"ק מרן ישראל בן לאה אסתר בתוך שאר חולי ישראל. פארמיטאג וועט פארקומען אן עצרת תפילה ביים ציון הק' פון אדמור"י בית וויזניץ אין בני ברק, און שפעטער נאכמיטאג פאר תפילת מנחה וועט פארקומען א גרויסע עצרת תפילה אין ביהמ"ד הגדול אין קרית וויזניץ בני ברק.
כ"ק אדמו"ר מסלאנים שליט"א איז צוגאסט אויף יום טוב ראש השנה אין ירושלים עיה"ק, ווי איינגעפירט יעדעס יאר אינאיינעם מיט די חסידים פון אלע שטעט אין ארץ ישראל, די תפילות און טישן וועלן געפראוועט ווערן אין ביהמ"ד הגדול סלאנים אויף רחוב דורש טוב.
כ"ק אדמו"ר מלעלוב שליט"א איז צוגאסט אויף יום טוב ראש השנה אין ירושלים עיה"ק, ווי איינגעפירט יעדעס יאר אינאיינעם מיט די חסידים פון אלע שטעט אין ארץ ישראל, די תפילות דורכאויס יום טוב וועלן געפראוועט ווערן אינעם גרויסן בית ישראל זאל.
כ"ק אדמו"ר מוויזניץ שליט"א פון ירושלים וועט פראווענען דעם יום טוב ראש השנה בקרב חסידיו אין ירושלים עיה"ק, בהיכל בית מדרשו קהל תורת חיים וויזניץ אויף רחוב אדוניהו.
כ"ק אדמו"ר מוויזניץ שליט"א פון בארא פארק וועט פראווענען דעם יו"ט ראש השנה אין עטרת גאלדא זאל אין בארא פארק, ווי איינגעפירט יאר יערליך צוליב דעם גרויסן ציבור.
כ"ק אדמו"ר מסקולען שליט"א וועט פראווענען דעם יו"ט ראש השנה אין די ריגער זאל אין בארא פארק, צוליב דעם גרויסן ציבור.
כ"ק אדמו"ר מראחמיסטריווקא שליט"א פון ספרינג וואלי וועט פראווענען דעם יו"ט ראש השנה אין ביהמ"ד הגדול באבוב אין מאנסי, אינאיינעם מיט הונדערטער חסידים וחברי הקהילה.
כ"ק אדמו"ר מבית חיים יהושע שליט"א וועט פראווענען דעם יו"ט ראש השנה אין ביהמ"ד אמרי חיים וויזניץ בנין ווילחאוויץ אין ב"פ, אינאיינעם מיט הונדערטער חסידים וחברי הקהילה.
כ"ק אדמו"ר מקאסאן שליט"א וועט פראווענען דעם יו"ט ראש השנה אין היכל ישיבת צעהלים אין לינדען.
כ"ק אדמו"ר מאלכסנדר שליט"א וועט פראווענען דעם יו"ט ראש השנה אינעם גרויסן אודיטוריום אין בני ברק, ווי איינגעפירט יאר יערליך צוליב דעם גרויסן ציבור.
כ"ק אדמו"ר מסטוטשין שליט"א וועט פראווענען דעם יו"ט ראש השנה אין די גרויסע אודיטוריום בבנין החדש בנות ציון דחסידי באבוב אין בארא פארק.
כ"ק אדמו"ר מקרעטשניף סיגעט וומס"ב שליט"א וועט פראווענען דעם יו"ט ראש השנה אין די נייע אפגעדונגענע לאקאל פארן ביהמ"ד אויף ספענסער אין וויליאמסבורג.
כ"ק אדמו"ר מפיטסבורג שליט"א וועט פראווענען דעם יו"ט ראש השנה אין ביהמ"ד הגדול בעלזא אין די רובע ו' געגענט אין אשדוד.
הגה"צ ר' יצחק מאיר מארגענשטערן שליט"א אדמו"ר מתורת חכם וועט פראווענען דעם יו"ט ראש השנה אין די גרויסע היכל פון ביהמ"ד סאטמאר אין עזרת תורה געגנט, אינאיינעם מיט הונדערטער חסידים פון איבער גאנץ ארץ ישראל.
כ"ק אדמו"ר משענדישוב שליט"א וועט פראווענען דעם יום טוב ראש השנה אין מאנסי בקרב חסידיו, די תפילות און טישן קומען פאר אין ביהמ"ד שענדישוב אין מאנסי.
די ערשטע טאג ראש השנה קומט פאר די שמחת הברית פון א אור אייניקל ביי כ"ק אדמו"ר מוויזניץ שליט"א פון מאנסי, אייניקל פון בנו הגדול הגה"צ ר' יעקב יוסף האגער שליט"א, איידעם ביי כ"ק אדמו"ר מסקווירא שליט"א, בן הנולד ביי זיין איידעם הרב אברהם דוד אייכענשטיין שליט"א, זון פון כ"ק אדמו"ר מזידטשויב באלטימאר שליט"א, איידעם ביי הגה"צ ר' יעקב אלי' אונסדארפער שליט"א אבד"ק מתיבתא ראשית חכמה מאנטריאל. – די שמחה קומט פאר אין ביהמ"ד הגדול וויזניץ אין מאנסי.
עס איז געשלאסן געווארן די שידוך פון א אייניקל ביי כ"ק אדמו"ר מקאסאן שליט"א פון ניינטע עוועניו, די חתן א זון פון זיין זון הגה"צ ר' ישכר בעריש ראטטענבערג שליט"א, איידעם ביי הגה"צ אבד"ק לובלין ב"פ שליט"א, מיט די כלה א טאכטער פון הגה"צ ר' חיים אליעזר פיש שליט"א, זון פון הגה"צ ר' שמעי' יעקב פיש שליט"א מביקסאד, און איידעם ביי כ"ק אדמו"ר מזידטשויב חרדים שליט"א.
די מערכת וואונטשט פאר אלע חשובע ליינער, סובסקרייבער, און אדווערטייזערס, א כתיבה וחתימה טובה, און א גוט געבענטשט יאר.
אריינצושיקן מודעות און נייעס, שיקט אן אימעיל צו NEWS@JDNMAIL.COM
