שמחת בית פאפא: היינט קומט פאר די שמחת השבע ברכות פונעם חתן א זון פון הגה"צ ר' ישכר דוב כ"ץ שליט"א, זון פון כ"ק אדמו"ר מסערדאהעלי שליט"א, און איידעם ביי הגה"צ אבד"ק בעסערמין זצ"ל, מיט די כלה א טאכטער פון הגה"צ ר' לוי יצחק גרינוואלד שליט"א דומ"ץ פאפא ב"פ, זון פון כ"ק אדמו"ר מפאפא שליט"א, און איידעם ביי כ"ק אדמו"ר מבורשטין שליט"א. – די שמחת השבע ברכות קומט פאר אין ביהמ"ד הגדול פאפא אין וויליאמסבורג.
שמחת בית באבוב 45: היינט קומט פאר די שמחת התנאים פון א אייניקל ביי כ"ק אדמו"ר מבאבוב 45 שליט"א, די חתן א זון פון זיין זון הגה"צ ר' שלום אונגער שליט"א, איידעם ביי כ"ק אדמו"ר מאלכסנדר שליט"א, מיט די כלה א אייניקל פונעם רבינ'ס ברודער הגה"צ ר' שלום גרשון אונגער שליט"א, א טאכטער פון זיין זון הגה"צ ר' חיים אהרן אונגער שליט"א דומ"ץ ביהמ"ד לב אהרן ד'סאטמאר אין וויליאמסבורג. - די שמחה קומט פאר אין ביהמ"ד לב אהרן ד'סאטמאר אין וויליאמסבורג.
שמחת בית ראחמיסטריווקא: היינט קומט פאר די שמחת הפארשפיל און סעודת עניים לקראת די שמחת החתונה פון די כלה א טאכטער ביי כ"ק אדמו"ר מראחמיסטריווקא שליט"א פון ספרינג וואלי, איידעם ביי הגה"צ אבד"ק ראחמיסטריווקא שליט"א, מיט די חתן א זון פון זיין פעטער הגה"צ ר' שמואל דוד שניאורסאן שליט"א משגיח ישיבת טשעבין, זון פון הגה"צ ראש ישיבת טשעבין שליט"א, און איידעם ביי הגה"צ ר' וועלוויל טווערסקי זצ"ל מראחמיסטריווקא. – די שמחה קומט פאר ביים וועכנטליכן מלוה מלכה פונעם רבי'ן, אין ראחמיסטריווקא בית המדרש אויף ווארען קאורט אין מאנסי.
שמחת בית קרעטשניף קרית גת - קאמארנא: היינט קומט פאר די שמחת השבע ברכות פונעם חתן א זון פון כ"ק אדמו"ר מקרעטשניף קרית גת שליט"א, איידעם ביי כ"ק אדמו"ר מפאריסוב זצ"ל, מיט די כלה א טאכטער פון הרב ישראל יצחק סאפרין שליט"א, זון פון כ"ק אדמו"ר מקאמארנא שליט"א פון בית שמש, און איידעם ביי כ"ק אדמו"ר מאשלג זצ"ל פון אבן עזרא. – די שמחת השבע ברכות קומט פאר אין ביהמ"ד קאמארנא אויף רחוב דבורה הנביאה אין בית שמש.
היינט קומט א כינוס פאר בחורי חסידי וויען, סיום ספר הק' מאור ושמש, והתחלת ספר הק' סידורו של שבת, אין ראם פונעם סדר הלימוד אין ספרי חסידות אין שפיץ פון כ"ק אדמו"ר מוויען שליט"א, עס קומט פאר אינעם גרויסן זאל בבנין בית יעקב דחסידי וויען אין וויליאמסבורג, וואו כ"ק אדמו"ר מקאסוב שליט"א וועט אויפטרעטן אלס נואם הכבוד.
היינט נאכט י"א חשון עפאלט די יומא דהילולא קדישא פונעם הייליגן מאור עינים פון טשערנאביל זי"ע, די אייניקלעך כ"ק האדמורי"ם שליט"א וועלן אפרעכטן די יארצייט טישן ברוב עם.
כ"ק אדמו"ר מסקווירא שליט"א וועט אפרעכטן א לחיים טיש אין ביהמ"ד הגדול אין שיכון סקווירא, אינאיינעם מיט מעמד מאירת עינינו צו מחזק זיין דעם לימוד ספה"ק מאור עינים.
בחצר הקודש דאראג קומט היינט פאר א גרויסע מעמד צאתכם לשלום און סעודת מלוה מלכה, לקראת די מסע הקודש וואס כ"ק אדמו"ר מדאראג שליט"א נעמט אונטער צום שטאט דאראג אין אונגארן, לרגל די יומא דהילולא קדישא פון זקינו הרה"ק בעל אמרי שפר מדאראג זי"ע, אינאיינעם מיט די מעמד סיום כתיבת האותיות און ריקודין של שמחה פאר די ספר תורה וואס וועט ווערן אריינגעגעבן צום בנין הכנסת אורחים אין שטאט דאראג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
