היינט קומט פאר די גרויסארטיגע מעמד ההדלקה אין אתרא קדישא מירון, אין שפיץ פון כ"ק אדמו"ר מסאטמאר שליט"א וועלכער האט געפראוועט דעם שבת אויף א געהויבענע פארנעם באתרא קדישא, אינאיינעם מיט טויזענטער חסידים פון איבער דער גארער וועלט.
כ"ק אדמו"ר מוויזניץ שליט"א לרפו"ש לאזט זיך היינט ארויס אויף א מסע הקודש קיין ניו יארק, צו באשיינען די שמחות החתונות פון צוויי אייניקלעך וואס קומט פאר די וואך, די אכסניא וועט זיין אין שטוב פון הנגיד החסיד ר' אביגדור עסטרייכער הי"ו אין שיכון סקווירא.
היינט קומט פאר די שמחת הבר מצוה פון א אייניקל ביי כ"ק אדמו"ר מבאיאן שליט"א, א זון פון זיין זון הגה"צ ר' מרדכי שלמה ברייאר שליט"א רב חסידי באיאן אין אמעריקע, איידעם ביי כ"ק אדמו"ר מדזיקוב וויזניץ שליט"א. – די שמחה קומט פאר אין די באיאנער קלויז אין בארא פארק.
היינט קומט פאר אין וויליאמסבורג די יערליכע מלוה מלכה לטובת מוסדות וויזניץ אין מאנסי, אין זאל פון ויואל משה, אין שפיץ פון די ברידער כ"ק האדמורי"ם מוויזניץ שליט"א.
היינט קומט פאר די מעמד יובל החמשים בחצר הקודש בית חיים יהושע, צום אפצייכענונג פון פופציג יאר זינט די התייסדות הקהילה, אינאיינעם מיט די סעודת הילולא לרגל די יארצייט פונעם רבינ'ס פאטער הרה"צ רבי חיים יהושע'לע זצ"ל בן הרה"ק בעל קדושת ציון מבאבוב זי"ע, אינאיינעם מיטן סיום מסכת פסחים במסגרת ובחרת בחיים פון די חברי הקהילה, די מעמד קומט פאר אין זאל עטרת גאלדא אין בארא פארק, אין שפיץ פון כ"ק אדמו"ר מבית חיים יהושע שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול דקהל יטב לב ד'סאטמאר אין לאנדאן, נדבת הנגיד החסיד ר' בעריש בערגער הי"ו ראש הקהל.
לקראת די יומא דהילולא קדישא פון הרה"ק בעל מנוחת אשר מטשענגער זי"ע וועט היינט פארקומען א סעודת מלוה מלכה אין ביהמ"ד טענקא אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
