חסידי וויזניץ אין ניו יארק באגריסן מיט פרייד די הרחבת גבולי הקדושה, ווען די אין די יעצטיגע טעג איז געמאלדן געווארן די בשורה טובה איבער די עפענונג פון א נייע מיידל שולע פאר חסידי וויזניץ אין בארא פארק, צו קענען מחנך זיין די בנות ישראל הכשרות על דרך ישראל סבא, תחת דגלו והדרכתו פון כ"ק אדמו"ר מוויזניץ שליט"א.
בהוראת הקודש פונעם רבי'ן וועט די מיידל שולע טראגן דעם נאמען "בנות הינדא", על שם הרבנית הצדיקת מוויזניץ ע"ה, מחברתו הטהורה ועזרתו בקודש פון הרה"ק בעל אהבת ישראל מוויזניץ זי"ע, און אלס הויפט מנהלת איז געווארן אויפגענומען הרבנית הצדיקת מסקולען תליט"א, אשת חבר כ"ק אדמו"ר הרה"ק מסקולען זצ"ל, וועלכע איז באקאנט מיט איר עקספערטיז אין חינוך הבנות שוין צענדליגע יארן נאכאנאנד מיט גרויס הצלחה.
אין די יעצטיגע טעג האט דער וויזניצער רבי שליט"א איבערגעגעבן ברכת קדשו צום גרינדונג פון די נייע מיידל שולע, מען זאל קענען מחנך זיין די קומענדיגע דורות אויף די פעסטע יסודות פון די פריערדיגע רבי'ס, און דער רבי באדאנקט זיך מעומק לבבו פאר די געטרייע עסקנים וואס זענען עוסק צו אוועקצושטעלן דעם מוסד מכח אל הפועל.
