לקיים בנו חכמי ישרא"ל:
אידישע קינדער בכל מקומות מושבותיהם וועלן היינט דינסטאג מתפלל זיין לרפואת כ"ק אדמו"ר מוויזניץ שליט"א לרפואה שלימה, וועלכער גייט היינט אריבער א מעדיצינישע פראצעדור, צום אנהייב פון א סעריע פרישע און ערנסטע באהאנדלונגען, מיטן האפענונג אז עס זאל ברענגען די געוואונטשענע רעזולטאטן צו היילן דעם רבי'ן בסייעתא דשמיא, אינעם אהל הק' פון אדמור"י בית וויזניץ אין בני ברק וועט פארקומען היינט נאכמיטאג א מעמד תפילת רבים לרפואתו השלימה פונעם רבי'ן, אין שפיץ פון הגה"צ ר' מנחם ארנסטר שליט"א ראש ישיבת וויזניץ און דעם רבינ'ס קינדער, כלל ישראל איז מתפלל לרפואת כ"ק מרן ישראל בן לאה אסתר בתוך שאר חולי ישראל, והן קל כביר לא ימאס תפילת הרבים.
שמחת בית תולדות אברהם יצחק – מעליץ – טעמעשוואר: היינט קומט פאר די שמחת החתונה פונעם חתן א זון פון הגה"צ ר' לוי יצחק לייפער שליט"א אבד"ק טעמעשוואר טשעסנאט רידזש, זון פון כ"ק אדמו"ר מטעמעשוואר ב"פ זצ"ל, און איידעם ביי הגה"צ ר' ברוך ראזענבוים שליט"א אבד"ק נאנאש וומס"ב, מיט די כלה א טאכטער פון הגה"צ ר' משה הורוויץ שליט"א אבד"ק אור נפתלי פערל ריווער אין מאנסי, זון פון כ"ק אדמו"ר ממעליץ שליט"א, און איידעם ביי כ"ק אדמו"ר מתולדות אברהם יצחק שליט"א. – די שמחת החתונה קומט פאר אין זאל עטרת גינענדל אין מאנסי.
היינט קומט פאר די שמחת החתונה פונעם חתן א זון פון הגה"צ ר' בנציון משה האלבערשטאם שליט"א, זון פון כ"ק אדמו"ר מטשענסקאוויץ פאקשעוויץ שליט"א, און איידעם ביי הגה"צ אבד"ק טעטש זצ"ל, מיט די כלה א טאכטער פון הגה"צ ר' דוד שלמה טייטלבוים שליט"א, זון פון הגה"צ אבד"ק נעפלעמיץ שליט"א, און איידעם ביי הגה"צ אבד"ק ציעשנוב שליט"א, איידעם ביי כ"ק אדמו"ר מסטריזוב שליט"א. – די שמחת החתונה קומט פאר אין זאל עטרת חי' אין בארא פארק.
היינט קומט פאר די שמחת החתונה פונעם חתן א זון פון הגה"צ ר' אלטר יצחק ראבינאוויטש שליט"א, זון פון כ"ק אדמו"ר מביאלא פשיסחא שליט"א פון אשדוד, און איידעם ביי הגה"צ ר' אברהם יעקב איצקאוויטש שליט"א אבד"ק שבט הלוי ירושלים, מיט די כלה א טאכטער פון הגה"צ ר' יעקב בער שפיטץ שליט"א, זון פון כ"ק אדמו"ר מסערט וויזניץ ארה"ב שליט"א, און איידעם ביי כ"ק אדמו"ר מנייטרא שליט"א. – די שמחת החתונה קומט פאר אין די וואגשאל זאל אין בני ברק.
היינט קומט פאר די שמחת החתונה פונעם חתן א זון פון הגה"צ ר' חיים שלמה ראטטענבערג שליט"א, זון פון הגה"צ אבד"ק סאלקא שליט"א, און איידעם ביי הגה"צ אבד"ק מישקאלץ שליט"א, מיט די כלה א טאכטער פון הגה"צ ר' יעקב יצחק פילאפף שליט"א, זון פון הגה"צ ר' זלמן לייב פילאפף שליט"א אב"ד מכלל יופי וחבר ביד"ץ דקהל יטב לב ד'סאטמאר, און איידעם ביי הגה"צ אבד"ק שאפראן שליט"א, איידעם ביי הגה"צ גאב"ד פאלטישאן זצ"ל. – די שמחת החתונה קומט פאר אין זאל פרדס צבי אין וויליאמסבורג.
היינט קומט פאר די שמחת החתונה פונעם חתן א זון פון הגה"צ ר' מרדכי סופר שליט"א, זון פון הגה"צ אבד"ק ערלוי ב"ב שליט"א, און איידעם ביי כ"ק אדמו"ר מסטריקוב שליט"א, מיט די כלה א טאכטער פון הגה"צ ר' יחיאל יהושע ראבינאוויטש שליט"א, זון פון הגה"צ ר' שמחה ראבינאוויטש שליט"א מביאלא פשיסחא ומח"ס פסקי תשובות, און איידעם ביי הגה"צ ר' אליעזר ארנסטר שליט"א אבד"ק מאור חיים צפת. – די שמחת החתונה קומט פאר אין זאל היכלי מלכות אין בני ברק.
היינט קומט פאר די שמחת החתונה פונעם חתן א זון פון הרב דוד הורוויץ שליט"א, זון פון כ"ק אדמו"ר ממעליץ ב"פ שליט"א, און איידעם ביי כ"ק אדמו"ר משומרי אמונים זצ"ל בעל תפארת אהרן, מיט די כלה א טאכטער פון הרב יהושע אליקים גרינצווייג שליט"א, זון פון הגה"צ ר' יונתן בנימין גרינצווייג שליט"א ראה"כ סקווירא ב"פ, און איידעם ביי הגה"צ אבד"ק בייטש שליט"א. – די שמחת החתונה קומט פאר אין זאל אהלי פרידא אין בארא פארק.
שמחת בית וויזניץ: היינט קומט פאר די שמחת החתן מאהל פונעם חתן א זון פון הגה"צ ר' ישראל האגער שליט"א ראש ישיבת בנין אבות וויזניץ קייאמישע, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מוויזניץ שליט"א פון בית שמש, איידעם ביי כ"ק אדמו"ר מוויזניץ שליט"א לרפואה שלימה, מיט די כלה א טאכטער פון הגה"צ ר' יוסף מאיר כהנא שליט"א, זון פון כ"ק אדמו"ר מספינקא ירושלים שליט"א. – די שמחת החתן מאהל קומט פאר אין וויזניצע בית המדרש אויף רחוב אדוניהו הכהן אין ירושלים.
היינט קומט פאר די שמחת הבר מצוה פון א אייניקל ביי כ"ק הגה"צ גאב"ד מאקאווא שליט"א, א זון פון זיין איידעם הגה"צ ר' ניסן טווערסקי שליט"א, זון פון הגה"צ ר' מתתיהו טווערסקי שליט"א אבד"ק ראחמיסטריווקא ביתר. – די שמחה קומט פאר אין זאל פון ישיבת מאקאווא אין קרית אתא.
עס איז געשלאסן געווארן די שידוך פון א אייניקל ביי כ"ק אדמו"ר מאשלג שליט"א, די כלה א טאכטער פון זיין זון הגה"צ ר' יהודה לייב אשלג שליט"א, איידעם ביי כ"ק אדמו"ר מקאמארנא רמת שלמה שליט"א, מיט די חתן א זון פון הרב יוסף מרדכי שאפער שליט"א.
כ"ק אדמו"ר מסאטמאר שליט"א לאזט זיך היינט ארויס קיין נארט מיאמי פלארידע, וואו דער רבי וועט זיך אויפהאלטן די קומענדיגע צוויי וואכן אויף אפרוה.
כ"ק אדמו"ר מצאנז שליט"א וועלכער איז צוגאסט די טעג אין ניו יארק בקרב חסידיו, וועט היינט אנקומען קיין בארא פארק און אויפנעמען דעם ציבור חסידים מיט קוויטלעך, אין בנין פון ת"ת דרכי אבות צאנז אויף די אכט און פערציגסטע סטריט.
כ"ק אדמו"ר מוויזניץ שליט"א פון קייאמישע קומט היינט אן צוגאסט קיין ארץ ישראל, צו באשיינען צוויי שמחות החתונות פון צוויי אייניקלעך וואס קומט פאר אין בני ברק, היינט אינדערפרי נאך תפילת שחרית וועט פארקומען א מעמד קבלת פנים לכבודו אין וויזניצע בית המדרש אויף רחוב מלצר אין בני ברק, שפעטער ביינאכט וועט דער רבי שליט"א אנקומען קיין ירושלים עיה"ק צום שמחת החתן מאהל, און אויפנעמען די חסידים מיט קוויטלעך אין וויזניצע בית המדרש אויף רחוב אדוניהו הכהן.
כ"ק אדמו"ר מוויזניץ שליט"א פון לאנדאן קומט היינט אן צוגאסט קיין ניו יארק, צו באשיינען די שמחת החתונה פון א אייניקל וואס קומט פאר די קומענדיגע וואך אין מאנסי.
כ"ק אדמו"ר מראחמיסטריווקא שליט"א פון ספרינג וואלי וועלכער האט זיך אויפגעהאלטן די לעצטע פאר טעג אין ארץ ישראל לרגל די שמחת החתונה בבית גיסו כ"ק אדמו"ר מזוועהיל שליט"א, קערט זיך היינט צוריק למעון קדשו אין מאנסי.
היינט קומט פאר א ספעציעלע כינוס ליל השדכנים פאר אלע שדכנים און שדכניות אינערהאלב קהל עדת יראים וויען, עס קומט פאר אין זאל אהל לאה, אין שפיץ פון כ"ק אדמו"ר מוויען שליט"א.
היינט ט' שבט געפאלט די פינף און צוואנציגסטע הילולא קדישא פון כ"ק אדמו"ר מסקווירא זצ"ל מב"פ, בנו ממלא מקומו כ"ק אדמו"ר מסקווירא מב"פ שליט"א וועט ארויפגיין צום ציון הק' אויפן בית החיים בית דוד אין לאנג איילענד.
ניחום אבלים:
צו די פטירה פון כ"ק אדמו"ר מקאסאן זצ"ל פון די ניינטע עוועניו, זיצן שבעה די קינדער הרבנים הגאונים שליט"א בבית מדרשו ביים ווינקל פון די ניינטע עוועניו און די פופציגסטע סטריט אין בארא פארק, ביז דעם דאנערשטאג אינדערפרי.
כ"ק אדמו"ר מביאלא אוסטרובא שליט"א זיצט שבעה די טעג נאך די פריצייטיגע פטירה פון זיין זון הרב משה מרדכי ראבינאוויטש ז"ל, בביתו נאוה קודש אויף רחוב אלקבץ אין די גבעת שאול געגנט אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
