שמחת בית וויזניץ: היינט קומט פאר די שמחת החתונה פונעם חתן א זון פון הגה"צ ר' ישראל האגער שליט"א ראש ישיבת בנין אבות וויזניץ קייאמישע, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מוויזניץ שליט"א פון בית שמש, איידעם ביי כ"ק אדמו"ר מוויזניץ שליט"א לרפואה שלימה, מיט די כלה א טאכטער פון הגה"צ ר' יוסף מאיר כהנא שליט"א, זון פון כ"ק אדמו"ר מספינקא ירושלים שליט"א. – די שמחת החתונה קומט פאר אין ביהמ"ד הגדול אין קרית וויזניץ בני ברק.
שמחת בית קאשוי: היינט קומט פאר די שמחת החתונה פון א אייניקל ביי כ"ק אדמו"ר מקאשוי שליט"א, די חתן א זון פון זיין זון הגה"צ ר' יואל בלום שליט"א אב"ד ברכת שמים קאשוי מאנסי, איידעם ביי הגה"צ ר' יהודה כ"ץ שליט"א אבד"ק ויצב אברהם מעלבארן, מיט די כלה א טאכטער פון הגה"צ ר' אשר מאנן שליט"א דומ"ץ סאטמאר מוירטל. – די שמחת החתונה קומט פאר אין ויואל משה זאל אין וויליאמסבורג.
שמחת בית נדבורנא – דעעש: היינט קומט פאר די שמחת החתונה פונעם חתן א זון פון הגה"צ ר' אלטר מנשה לייפער שליט"א אבד"ק נדבורנא וומס"ב, זון פון כ"ק אדמו"ר מנדבורנא שליט"א פון בארא פארק, און איידעם ביי כ"ק אדמו"ר מקאליש זצ"ל, מיט די כלה א טאכטער פון הגה"צ ר' דוד פאנעט שליט"א מדעעש. – די שמחת החתונה קומט פאר אין זאל פון אור החיים וויזניץ אין בארא פארק.
היינט קומט פאר די שמחת החתונה פונעם חתן א זון פון הגה"צ ר' ישראל צבי לעמבערגער שליט"א, זון פון הגה"צ אבד"ק מאקאווא אשדוד שליט"א, און איידעם ביי הגה"צ אבד"ק סערט וויזניץ ירושלים זצ"ל, מיט די כלה א טאכטער פון הגה"צ ר' מאיר יהוסף ראטטענבערג שליט"א, זון פון כ"ק אדמו"ר מקאסאן לאנדאן שליט"א, און איידעם ביי כ"ק אדמו"ר מסטראזניץ לאנדאן שליט"א. – די שמחת החתונה קומט פאר אין זאל פרדס וויזניץ אין לאנדאן.
היינט קומט פאר די שמחת החתונה פונעם חתן א זון פון הרה"ג ר' חיים בער שארר שליט"א, זון פון הרה"ג ר' רפאל הלוי שארר שליט"א אבד"ק תפארת גדלי' וראש ישיבת וויזניץ מאנסי, און איידעם ביי הגה"צ אבד"ק ביקאווסק לאנדאן זצ"ל, מיט די כלה א טאכטער פון הרה"ג ר' נפתלי מיללער שליט"א, זון פון הרה"ג ר' דוד מיללער שליט"א אבד"ק תפלה לדוד, און איידעם ביי הגה"צ גאב"ד מאטערסדארף שליט"א, איידעם ביי הגה"צ ר' לייבל סטעמפל שליט"א, אייניקל פון הרה"ק בעל קדושת ציון מבאבוב זי"ע, חתן כלה אייניקלעך פון הגה"ק ממאטערסדארף זצ"ל. – די שמחת החתונה קומט פאר אין זאל נעימת החיים אין לעיקוואד.
שמחת בית גור: היינט קומט פאר די שמחת השבע ברכות פון א אייניקל ביי כ"ק אדמו"ר מגור שליט"א, די כלה א טאכטער פון זיין איידעם הגה"צ ר' חיים יהושע שארר שליט"א, זון פון הגה"צ ר' ישראל שמחה שארר שליט"א ראש ישיבת אור שמח, מיט די חתן א זון פון הרב חיים שמעון שפירא שליט"א, זון פון הנגיד החסיד ר' יצחק שפירא הי"ו פון לאנדאן. – די שמחת השבע ברכות קומט פאר אין ביהמ"ד הגדול גור אין ירושלים, אינאיינעם מיט די פארהער אויף בלעטער גמרא מזומנים פאר די חסידים פון אמעריקע.
שמחת בית תולדות יהודה סטוטשין: היינט קומט פאר די שמחת השבע ברכות פונעם חתן א זון פון הגה"צ ר' צבי אביגדור יאזעפאוויטש שליט"א, זון פון הגה"צ ר' יוסף ברוך יאזעפאוויטש שליט"א אבד"ק צלותא דשלמה, און איידעם ביי הגה"צ אבד"ק סענדזשארץ שליט"א, מיט די כלה א טאכטער פון הגה"צ ר' ישראל זילה זילבער שליט"א אבד"ק תולדות יהודה סטוטשין אין מאנסי, זון פון כ"ק אדמו"ר מתולדות יהודה סטוטשין שליט"א. – די שמחת השבע ברכות קומט פאר אין ביהמ"ד תולדות יהודה סטוטשין אין מאנסי.
שמחת בית ראחמיסטריווקא – וויזניץ - פאלטישאן: היינט קומט פאר די שמחת הווארט פון א אייניקל ביי כ"ק אדמו"ר מראחמיסטריווקא שליט"א פון וויליאמסבורג, אור אייניקל פון הגה"צ אבד"ק ראחמיסטריווקא מאנסי שליט"א, די חתן א זון פון זיין איידעם הגה"צ ר' יוחנן טווערסקי שליט"א, זון פון הגה"צ ר' מנחם נחום טווערסקי שליט"א, איידעם ביי כ"ק אדמו"ר מראחמיסטריווקא זצ"ל, מיט די כלה א טאכטער פון הגה"צ ר' מאיר ברוך שטיין שליט"א, זון פון כ"ק אדמו"ר מפאלטישאן בענסענהוירסט שליט"א, און איידעם ביי הגה"צ בעל אור שלום מוויזניץ זצ"ל. – די שמחה קומט פאר אין וויזניצע בית המדרש אין בארא פארק.
שמחת בית וויזניץ: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א פון בארא פארק, אור אייניקל פון הגה"צ אבד"ק ראחמיסטריווקא מאנסי שליט"א, די כלה א טאכטער פון זיין איידעם הגה"צ ר' אלימלך טירנויער שליט"א, זון פון כ"ק אדמו"ר מחוסט שליט"א פון וומס"ב, מיט די חתן א זון פון הגה"צ ר' זלמן באב"ד שליט"א, זון פון הגה"צ אבד"ק טארטיקוב שליט"א, און איידעם ביי הגה"צ אבד"ק פאלייענא שליט"א.
כ"ק אדמו"ר מסאטמאר שליט"א וועלכער האט זיך אויפגעהאלטן די לעצטע דריי וואכן אין פאלם ספרינגס קאליפארניע אויף אפרוה, קערט זיך היינט צוריק למעון קדשו אין קרית יואל.
כ"ק אדמו"ר ממונקאטש שליט"א איז די נאכט אנגעקומען קיין מיאמי פלארידע, וואו דער רבי וועט זיך אויפהאלטן די קומענדיגע צוויי וואכן אויף אפרוה.
היינט נאכט י' שבט געפאלט די יומא דהילולא קדישא פונעם הייליגן מהריי"צ פון ליובאוויטש זי"ע, פילע אידן וועלן פוקד זיין דעם ציון הק' אויפן בית החיים מאנטיפיורי אין קווינס.
