א שרעקליכע שיסעריי האט זיך אפגעשפילט היינט נאכמיטאג אין מאנטריאל קאנאדע, ווען א שיסעריי האט פאסירט אין א אידישע באוואוינטע געגנט, ארום פופצן מינוט צו פארן פון די היימישע אוטערמאנט געגנט, א געגנט מיטן נאמען וועסטבורי וואו עס איז וואוינען פילצאליגע אידישע משפחות, איבערהויפט חסידי חב"ד וואס פארמאגן דארט בניני קהילה און מוסדות.
די שיסעריי האט זיך אפגעשפילט פארנט פון די בראדוועי פיצא געשעפט, א כשר'ע געשעפט וואס געפונט זיך הארט נעבן די חב"ד שוהל, ווייניגסטנס צוויי מענטשן זענען געשאסן געווארן צום טויט, אריינגערעכנט איין פאליציי אפיציר, און א איד מיטן נאמען מיכאל משה מזרחי ע"ה, וועלכער איז לויט די באריכטן אומגעקומען ווען א פאליציי אפיציר האט געוואלט שיסן דער פארברעכער, אין די פארטומלטע מינוטן ווען פאליציי האט רעאגירט צו די סצענע.
א מאסיווע פאליצייאישע קראפט האט רעאגירט צו די סצענע אין די צייט וואס דער שיסער איז נאך געווען אויף דער פריי, א שעלטער אין פלעיס איז געווארן ארויסגעשטעלט אויף די גאנצע אומגעגנט און שאסייען זענען געווארן בלאקירט, נאך לאנגע אנגעצויגענע מינוטן איז אנגעקומען די באריכט אז דער שיסער איז טויט, און א העפטיגע אויספארשונג איז ווייטער אקטיוו.
