היינט שפעט נאכמיטאג, נאך א פארלענגערטע אפאוטמענט אין מאנהעטטען, האט האדמו"ר מסקווירא זיך אפגעשטעלט אין א גאז סטאנציע צו דאווענען מנחה איידער די זמן.
עס איז געווען ווען מען האט זיך דערזען מיט טרעפיק און די זמן וואס ריקט זיך נענטער און נענטער, האט מען זיך פארבינדען מיט א סקווירא חסיד וועלכע האט א כשר'ע עסן געשעפט נעבן א גאז סטאנציע אויפן הייוועי, וועלכע האט באלד געגעבן זיין אנטווארט אז מען קען קומען און ער האט פארמאכט דעם געשעפט ביז נאך מנחה מיט'ן רבי'ן.
דער רבי שליט"א האט טאקע אריינגעכאפט א מנחה בעפאר'ן זמן, אינאיינעם מיט קבוצה חסידים וועלכע זענען ארויסגעקומען פון די מאנסי זייט צו האבן א גאנצע מנין, און דערנאך האט זיך דער רבי באדאנקט פארן 'בעל אכסניא' פאר'ן צושטעלן דעם געשעפט צו קענען אריינכאפן א תפילה בזמן.
