היינט קומט פאר א גרויסארטיגע עצרת תפלה בעיר הבירה לאנדאן, יום תפלה ותענית על פי קריאת גדולי רבני העיר, ביד"ץ התאחדות קהילות החרדים אין שטאט, די צענטראלע מעמד קומט פאר אינעם ריזן זאל יסודי התורה און די שטחים ארום, די מעמד פאר בחורי הישיבות אין ביהמ"ד הגדול באבוב, און די מעמד פאר תלמידי התלמוד תורה אין ביהמ"ד הגדול וויזניץ.
כ"ק אדמו"ר מתולדות אהרן שליט"א וועלכער האלט זיך אויף די טעג אין שטאט טבריה, וועט היינט באשיינען א ספעציעלע מעמד כבוד חכמים ינחלו, מעמד הישועות ביים ציון הק' פון התנא האלקי רבי מאיר בעל הנס זי"ע, געאייגענט פאר די הונדערטער אינגעלייט וואס פארהערן זיך אינערהאלב וועד מפעל התורה תורתך שעשועי דחסידי תולדות אהרן.
שמחת בית קאליש: היינט קומט פאר די שמחת החתונה פון די כלה א טאכטער פון כ"ק אדמו"ר מקאליש שליט"א פון פלעטבוש, מיט די חתן א זון פון הגה"צ ר' יחזקאל שרגא טייטלבוים שליט"א, זון פון הגה"צ אבד"ק נירבאטור שליט"א, און איידעם ביי הגה"צ אבד"ק סאלקא שליט"א. – די שמחת החתונה קומט פאר אין עטרת גאלדא זאל אין בארא פארק.
שמחת בית ביאלא בית שמש: היינט קומט פאר די שמחת החתונה פון די כלה א טאכטער ביי כ"ק אדמו"ר מביאלא בית שמש שליט"א, איידעם ביי כ"ק אדמו"ר מזוועהיל זצ"ל בעל אור אברהם, מיט די חתן א זון פון הגה"צ ר' מנחם קאפף שליט"א, זון פון כ"ק אדמו"ר מלעלוב בראנאוויץ זצ"ל. – די שמחת החתונה קומט פאר אין ביהמ"ד הגדול וויזניץ אין בית שמש.
שמחת בית צאנז זוועהיל: היינט קומט פאר די שמחת השבע ברכות פון א אייניקל ביי כ"ק אדמו"ר מצאנז זוועהיל שליט"א, די חתן א זון פון זיין איידעם הרב יעקב ווידער שליט"א, זון פון הגה"צ אבד"ק לינז שליט"א, מיט די כלה א טאכטער פון הרב חיים לייב כ"ץ שליט"א פון לעיקוואד, זון פון הגה"צ אבד"ק תולדות אהרן וויליאמסבורג זצ"ל, און איידעם ביי כ"ק אדמו"ר מנחלת אהרן שליט"א, דאפלטע אור אייניקל פון כ"ק אדמו"ר מתולדות אהרן זצ"ל בעל דברי אמונה. – די שמחת השבע ברכות קומט פאר אינעם היכל המתיבתא אין יוניאן סיטי.
היינט קומט פאר די מעמד הכנסת ספר תורה וואס ווערט אריינגעגעבן צום סטריקובער בית המדרש אין שטאט ביתר, אין שפיץ פון כ"ק אדמו"ר מסטריקוב שליט"א.
היינט ד' שבט געפאלט די יומא דהילולא קדישא פון כ"ק אדמו"ר מקאלוב זצ"ל בעל חקל תפוחין, די צענטראלע עלי' לציון אין שפיץ פון בנו ממלא מקומו כ"ק אדמו"ר מקאלוב שליט"א, קומט פאר היינט מיטאג אויפן בית החיים אין ניו דזשערזי.
היינט נאכט ה' שבט וועט כ"ק אדמו"ר מספינקא רמת אהרן שליט"א אפרעכטן די יארצייט טיש לרגל די יארצייט פון זיין פאטער הרה"צ ר' יצחק אייזיק זצ"ל, אינאיינעם מיט די סעודת הודאה צום גרויסן נס ווען דער רבי איז געראטעוועט געווארן פון די שרעקליכע עקסידענט יענע נאכט.
אריינצושיקן מודעות און נייעס, שיקט אן אימעיל צו NEWS@JDNMAIL.COM
