היינט קומט פאר די גרויסע מעמד כבוד התורה אין לאנדאן דורך די הנהלה פון די אלוועלטליכע מפעל "דרשו", סיום מסכת שבת במסגרת עמוד יומי, התחלת ל"ט מלאכות במסגרת דרשו הלכה, און סיום מסכת ביכורים במסגרת קנין ירושלמי, עס קומט פאר אין די גיגאנטישע קופער באקס ארענא אין לאנדאן, אין שפיץ פון די אדמור"י ורבני העיר.
כ"ק אדמו"ר מפאפא שליט"א קומט היינט אן קיין מאנסי צו באשיינען די מעמד ברנה יקצורו, חלוקת פרסים פאר די תלמידים פון ישיבה קטנה ויחי יוסף פאפא אין מאנסי, די מעמד קומט פאר אין זאל פון ת"ת פאפא אין מאנסי, וואו דער רבי וועט אויפטרעטן מיט דברות קודש.
היינט קומט פאר אין עיה"ק צפת א עצרת הספד והתעוררות ככלות השבעה צו די פטירה פון הרב החסיד ר' יוסף בנציון מאיר ע"ה מחשובי חסידי צאנז אין שטאט, עס קומט פאר אין ביהמ"ד דחסידי צאנז, אין שפיץ פון הגה"צ אבד"ק קרית צאנז טבריה שליט"א בן כ"ק אדמו"ר מצאנז שליט"א, וואס וועט אויפטרעטן מיט דברי התעוררות.
כ"ק אדמו"ר מסקווירא מאנסי שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק רבי דוד'ל מסקווירא זי"ע, בבית מדרשו אויף טווין עוועניו אין מאנסי.
היינט קומט פאר די שמחת החתונה פונעם חתן א זון פון הגה"צ ר' אלטר יעקב יצחק וואגשאהל שליט"א, זון פון הגה"צ ר' ישראל מענדיל וואגשאהל שליט"א מלאנצוהט, און איידעם ביי הגה"צ גאב"ד שארמאש זצ"ל, מיט די כלה א טאכטער פון הגה"צ ר' מנשה ראזענבערגער שליט"א, זון פון הגה"צ אבד"ק סוליצא וומס"ב זצ"ל, און איידעם ביי הגה"צ ר' שמואל חיים וואגשאהל זצ"ל מלאנצוהט. – די שמחת החתונה קומט פאר אין זאל עטרת חי' שרה אין מאנסי.
היינט קומט פאר די שמחת החתונה פונעם חתן א זון פון הרב אברהם יוסף מענדלאוויטש שליט"א, זון פון הגה"צ אבד"ק חוליוב שליט"א, און איידעם ביי הגה"צ ר' סיני אייזיקאוויטש שליט"א מטשאקאווא, מיט די כלה א טאכטער פון הגה"צ ר' ישראל מאיר טייטלבוים שליט"א אב"ד קאלביסוב מאנסי, איידעם ביי הגה"צ ר' משה גרויס שליט"א מקערעסטיר בערבעשט. – די שמחת החתונה קומט פאר אין זאל תפארת עלקא אין מאנסי.
היינט קומט פאר די שמחת השבע ברכות בשמחת בית סקווירא, חתן כלה אייניקלעך ביי כ"ק אדמו"ר מסקווירא שליט"א, אייניקל פון הגה"צ ר' ליפא טייטלבוים שליט"א אבד"ק בית אהרן, און אייניקל פון כ"ק אדמו"ר מבארניב שליט"א, עס קומט פאר אין בית המדרש דקהל בית אהרן אין וויליאמסבורג.
היינט קומט פאר די סעודת עניים לקראת די שמחת החתונה פונעם חתן יונגסטע קינד ביי כ"ק אדמו"ר מביאלא בני ברק שליט"א, אין ביהמ"ד ביאלא אויף רחוב ירושלים אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
