שמחת בית סלונים: היינט קומט פאר די שמחת החתונה פון א אייניקל ביי כ"ק אדמו"ר מסלונים שליט"א, די חתן א זון פון זיין איידעם הגה"צ ר' יעקב יצחק ווילהעלם שליט"א ר"ם בישיבת סלונים, מיט די כלה א טאכטער פון הרב אברהם וויינבערג שליט"א, אייניקל פון הרה"ק בעל ברכת אברהם מסלונים זי"ע. – די שמחת החתונה קומט פאר אין ביהמ"ד הגדול סלונים אויף רחוב סלנט אין ירושלים.

היינט קומט פאר די שמחת החתונה פונעם חתן א זון פון הגה"צ ר' בנציון פרענקל שליט"א אבד"ק סאקאלוב סאסרעגען, זון פון כ"ק אדמו"ר מוויעליפאלי שליט"א, און איידעם ביי הגה"צ אבד"ק באבוב 45 שליט"א, מיט די כלה א טאכטער פון הגה"צ ר' פנחס אייכענשטיין שליט"א, זון פון הגה"צ אבד"ק קיוויאשד מאנסי זצ"ל, און איידעם ביי הגה"צ ר' חיים יהושע באב"ד שליט"א מטארטיקוב. – די שמחת החתונה קומט פאר אין די נייע זאל אולם הייטנער אין בארא פארק.

היינט קומט פאר די שמחת החתונה פון א אייניקל ביי כ"ק אדמו"ר מקאסאן לעיקוואד שליט"א, די חתן א זון פון זיין זון הגה"צ ר' פנחס שלום ראטטענבערג שליט"א, איידעם ביי הגה"צ אבד"ק קאזעווע שליט"א, מיט די כלה א טאכטער פון הגה"צ ר' נפתלי מייזליש שליט"א, זון פון הגה"צ אבד"ק אוהעל מאנסי שליט"א, און איידעם ביי כ"ק אדמו"ר משאץ זצ"ל. – די שמחת החתונה קומט פאר אין זאל ויואל משה אין וויליאמסבורג.

היינט קומט פאר די שמחת החתונה פון א אייניקל ביי כ"ק אדמו"ר מנדבורנא חיפה שליט"א, די חתן א זון פון זיין זון הגה"צ ר' נחום לייב לייפער שליט"א, מיט די כלה א טאכטער פון הרב אלימלך שימאן שליט"א. – די שמחת החתונה קומט פאר אין זאל היכלי מלכות אין בני ברק.

היינט קומט פאר די שמחת החתונה פון א אייניקל ביי כ"ק אדמו"ר מאשלג שליט"א, די חתן א זון פון זיין איידעם הגה"צ ר' חיים שיף שליט"א, זון פון כ"ק אדמו"ר מליזענסק ירושלים זצ"ל, מיט די כלה א טאכטער פון הגה"צ ר' ישראל חיים גאלדמאן שליט"א אבד"ק זוועהיל אשדוד. – די שמחת החתונה קומט פאר אין זאל האצולה אין אשדוד.

היינט קומט פאר די שמחת החתונה פונעם חתן א זון פון הרב שמעון ישראל מאלוויצקי שליט"א, זון פון הגה"צ אב"ד סלאנים מאנסי שליט"א, און איידעם ביי הגה"צ ר' יעקב בער שפיטץ שליט"א מביסטריץ, מיט די כלה א טאכטער פון הרב שלום צבי סופר שליט"א, זון פון הגה"צ אבד"ק ערלוי ב"פ שליט"א, און איידעם ביי הגה"צ ר' ישראל חיים פריעדמאן שליט"א אב"ד ספינקא בעיסוואוטער. – די שמחת החתונה קומט פאר אין זאל לבנות לבנות אין שיכון סקווירא.

שמחת בית וויזניץ – קאלוב: היינט קומט פאר די שמחת החתן מאהל פונעם חתן א זון ביי הגה"צ ר' יעקב מאסקאוויטש שליט"א אב"ד תורת חמ"ד נייטרא וומס"ב, זון פון הגה"צ ר' יצחק אלעזר מאסקאוויטש שליט"א אדמו"ר משאץ, און איידעם ביי כ"ק אדמו"ר מקאלוב שליט"א, מיט די כלה א טאכטער פון הגה"צ ר' דוד האגער שליט"א, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחת החתן מאהל קומט פאר אין ביהמ"ד הגדול וויזניץ אין וויליאמסבורג.

שמחת בית מאחנובקא בעלזא – מעליץ: היינט קומט פאר די שמחת החתן מאהל פון א אייניקל ביי כ"ק אדמו"ר ממאחנובקא בעלזא שליט"א, די חתן א זון פון זיין איידעם הגה"צ ר' יוסף מאיר מאסקאוויטש שליט"א, זון פון כ"ק אדמו"ר ממעליץ שליט"א פון אשדוד, מיט די כלה א טאכטער פון הגה"צ ר' דוד ווייס שליט"א, זון פון הגה"צ גאב"ד קרית צאנז ירושלים שליט"א, און איידעם ביי הגה"צ אבד"ק מאקאווא אשדוד שליט"א. – די שמחת החתן מאהל קומט פאר אין ביהמ"ד הגדול מאחנובקא בעלזא אין בני ברק.

שמחת בית וויזניץ – דעעש – ראדאמישלא: היינט קומט פאר די שמחת התנאים פון א אייניקל ביי כ"ק אדמו"ר מוויזניץ שליט"א פון ירושלים, די חתן א זון פון זיין זון הרב חיים מאיר האגער שליט"א, איידעם ביי כ"ק אדמו"ר מטעמעשוואר ב"פ זצ"ל, מיט די כלה א טאכטער פון הרב יהושע העשיל היילפערין שליט"א, זון פון הגה"צ אבד"ק ראדאמישלא ב"פ שליט"א, און א איידעם ביי כ"ק אדמו"ר מדעעש וומס"ב שליט"א. – די שמחה קומט פאר אין זאל כתר צבי אין וויליאמסבורג.

היינט קומט פאר די שמחת השבע ברכות פון די חתן יונגסטע קינד פון כ"ק אדמו"ר מביאלא בני ברק שליט"א, מיט די כלה א טאכטער פון הגה"צ ר' יוסף יואל גראס שליט"א אב"ד באר חיים אלעד, זון פון כ"ק אדמו"ר מהאלמין שליט"א, און איידעם ביי הגה"צ ר' אהרן סופר שליט"א אב"ד ערלוי אלעד. – די שמחה קומט פאר אין ביהמ"ד באר חיים אין אלעד, אינאינעם מיט א מעמד כבוד התורה פאר די חברי הקהילה, סיום מסכת בבא בתרא במסגרת הדף היומי.

היינט קומט פאר די שמחת השבע ברכות פון די כלה א טאכטער ביי כ"ק אדמו"ר מדזיקוב גבעת זאב שליט"א, מיט די חתן א זון פון הרב פנחס משה לאנדמאן שליט"א, זון פון הרה"ג ר' נתן נטע לאנדמאן שליט"א רב פון שטאט חולון. – די שמחת השבע ברכות קומט פאר אין ביהמ"ד הגדול עטרת ישועה דזיקוב אין גבעת זאב.

כ"ק אדמו"ר מוויזניץ שליט"א וועלכער האט געוויילט די לעצטע צוויי וואכן בקרב חסידיו אין לעיקוואד, קערט זיך היינט צוריק למעונו אין בני ברק.

היינט קומט פאר אין מעלבארן אסטראליע די מעמד בקשת מחילה אין קהל עדת ישראל, נאכפאלגענדיג די שרעקליכע שריפה וואס האט פארברענט די בנין בית המדרש פון די קהילה, די מעמד וועט פארקומען פארנט פון ביהמ"ד וואו די חברי הקהילה וועלן בעטן מחילה פון די ספרי קודש און תשמישי קדושה, איידער מען וועט עס באערדיגן כדת וכדין.

אריינצושיקן מודעות און נייעס, שיקט אן אימעיל צו NEWS@JDNMAIL.COM