א אלגעמיינע נייעס אגענטור אין מאנטשעסטער ענגלאנד, באריכטעט איבער א מאסיווע פייער וואס האט אויסגעבראכן יעצט פרייטאג צונאכטס אין ביהמ"ד הגדול דקהל יטב לב ד'סאטמאר אויף די נארטהאמבערלאנד גאס.
די בית המדרש וואס געפונט זיך נעבן די צענטראלע בית המדרש דקהל מחזיקי הדת אין מאנטשעסטער, שטייט בנשיאות הגה"צ ר' ישראל חיים הורוויץ שליט"א מראחוב ואבד"ק סאטמאר מאנטשעסטער, און איז א געביידע פון עטליכע שטאק הויעך. לויט די באריכטן האט זיך די פייער אנגעהויבן פינף דרייסיג אנהייב נאכט, וואס איז ווארשיינליך געווען אינמיטן די תפילות פון פרייטאג צונאכטס, ווען פילע אידן זענען געווען פארזאמלט אין די שוהל.
די פלאמען האט זיך אנגעהויבן אויף די אויבערשטע שטאקן ביי די אפיסעס פון די קהילה, און לויט די באריכטן זעהט עס אויס ווי עס האט פאסירט צוליב א עלעקטעראנישע פראבלעם. פילע עמערדזשענסי אגענטורן זענען אלאמירט געווארן ארויסצוהעלפן אויפן סצענע, און עס האט געדויערט מער ווי צוויי שעה צו ברענגען די סיטואציע אונטער קאנטראל.
די העלישע פלאמען און די שרעקליכע רויעך האט זיך פארשפרייט מיילן ווייט, און אצינד זענען די פייערלעשער נאך אקטיוו אויפן סצענע צו באטראכטן די שרעקליכע שאדן וואס די פייער האט איבערגעלאזט פאר די בנין בית המדרש.
