א עקסידענט האט פאסירט היינט נאכמיטאג נאך דריי אזייגער, נישט ווייט פון גרינוואוד לעיק אין ניו דזשערזי, וואו א מאנסי טרעילס באס איז אריינגעפארן אין א בוים, און עטליכע פאסאדזשירן זענען פארוואונדעט געווארן.
די טשארטער באס איז געווען ארויסגעדינגען פאר א אידישע שולע אין פלעטבוש, וועלכע זענען געפארן דארט אין די געגנט פאר א אויספלוג, פארנדיג נעבן א בוים וועלכע האט אריינגעשניטן אין די באס זענען עטליכע מיידלעך פארוואונדעט געווארן, טייל פון זיי מיט מער ערנסטע וואונדן.
הצלה פון מאנסי און קרית יואל זענען אלארמירט געווארן אויפן סצענע, זיך יאגענדיג ארויסצוהעלפן אידישע קינדער אין א ווייטע געגנט פארצווייפלטערהייט. צוויי פארוואונדעטע פאסאדזשירן זענען געווארן אפגעפירט מיט א העליקאפטער צום העקנסעק שפיטאל, און נאך פארוואונדעטע ווערן באהאנדלט דורך הצלה.
