דעם מאנטאג וועט כ"ק אדמו"ר מספינקא שליט"א, על ישראל הדרתו אינעם עיר התורה והחסידות בני ברק, זיך ארויסלאזן על אם הדרך אויפן וועג קיין ניו יארק, לקראת די שמחת החתונה במעון הקודש פון זיין יונגערן ברודער כ"ק אדמו"ר מספינקא שליט"א, וועלכער גרייט זיך אין א מזל'דיגע שעה אונטערצופירן זיין יונגסטן קינד אונטער די חופה, מיטן חתן א זון פון הגה"צ ר' יוסף משה מייזליש שליט"א אבד"ק לאסק.
די פרייליכע שמחת החתונה קומט פאר דעם מאנטאג פרשת בהעלותך ט"ז סיון, אין די זאלן פון עטרת חינקא אין בארא פארק, און לכבוד די שמחה וועט דער געהויבענער פעטער כ"ק אדמו"ר מספינקא שליט"א פון ארץ ישראל מופיע זיין בשערי ניו יארק זיך מיטצופרייען מיט די גרויסע שמחה ביים יונגערן ברודער.
דער רבי שליט"א וועט זיך ארויסלאזן ממעון קדשו אין בני ברק מאנטאג פארטאגס, און וועט לאנדן אין ניו יארק מאנטאג אין די פריע נאכמיטאג שעות. דער רבי וועט באלד צופארן קיין בארא פארק און באשיינען די שמחת החתונה, אין די צייט וואס די חסידים ומעריצים וועלן האבן די געלעגנהייט להסתופף בצילו ביז דער רבי וועט זיך אומקערן למעון קדשו אין ארץ ישראל.
