א ביטערע טראגעדיע האט פאסירט היינט נאכמיטאג אין ירושלים עיר הקודש, ווען א ישיבה בחור איז אריינגעפאלן אין א גרוב אויפן הר המנוחות, און איז ליידער נפטר געווארן פון די שווערע וואונדן ה"י.
די רעדע איז פון הב' החשוב שמעון מענדלאוויטש ע"ה זעקס און צוואנציג יאר אלט, א זון פון הרב החסיד ר' בנימין יצחק מענדלאוויטש הי"ו מחשובי חסידי זוועהיל, ומחשובי חסידי וויזניץ אין בית שמש. אלס בחור האט ער געלערנט אין די זוועהילער ישיבה און דערנאך איז ער אריין לערנען אין ישיבת מיר אין ירושלים.
היינט דאנערשטאג ביום ט"ז אדר, איז אויסגעפאלן די ערשטע יארצייט פון זייער זיידע הרב החסיד ר' מרדכי שמערל מענדלאוויטש ע"ה, און די בני המשפחה זענען אנגעקומען צום הר המנוחות מתפלל צו זיין על קברו, ווען מיטאמאל איז הב' החשוב שמעון ע"ה אריינגעפאלן אין א טיפע גרוב נישט ווייט פון דעם זיידנס קבר, און ער איז ליידער נפטר געווארן פון די שווערע וואונדן.
די לוויה וועט פארקומען היינט עלף אזייגער ביינאכט ביים בית הלוויות שמגר אין ירושלים, אויפן וועג צום הר המנוחות וואו ער וועט קומען לקבורה.
ויהי רצון שלא ישמע עוד שוד ושבר בגבולינו, ונשמע ונתבשר בשורות טובות.
