היינט קומט פאר די גרויסארטיגע מעמד אהבת התלמידים, כינוס כלל תלמידי וחסידי קאשוי פון אלע יארן, אוועקצושטעלן א יסוד איתן פאר די ישיבה הק' אהל רפאל קאשוי, די מעמד קומט פאר אין די גיגאנטישע זאל אין דאגגעל גרינהאוז פלאזא אין די ברוקלין נעווי יארד קאמפלעקס, אין שפיץ פון כ"ק אדמו"ר מקאשוי שליט"א.
היינט קומט פאר א גרויסע אסיפה פאר אלע עלטערן פון תלמידי מוסדות סאטמאר אין וויליאמסבורג, אין ביהמ"ד הגדול ד'סאטמאר אויף הופפער סטריט, אין שפיץ פון הגה"צ אבד"ק סאטמאר וומס"ב שליט"א.
כ"ק אדמו"ר מוויזניץ שליט"א פארט היינט ארויס אויף א לענגערע נסיעה קיין לאס אנדזשעלעס קאליפארניע, וואו דער רבי איז ערווארטעט דורכצוגיין א לענגערע מעדיצינישע באהאנדלונג מיטן אויבערשטנס הילף.
ראש הישיבה הגאון הגדול רבי שאול אלתר שליט"א וועלכער איז צוגאסט די טעג אין אמעריקע לטובת מוסדותיו הקדושים, וועט היינט אנקומען צום שטאט באלטימאר אויפצוטרייבן שטיצע ביי די ארטיגע נגידים ושועים. היינט נאכמיטאג וועט דער ראש ישיבה פארלערנען א צענטראלע שיעור אין היכל ישיבה גדולה נר ישראל אין באלטימאר.
שמחת בית וויזניץ: היינט קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון בית שמש, איידעם ביי כ"ק אדמו"ר מויזניץ שליט"א, די כלה א טאכטער פון זיין איידעם הגה"צ ר' חיים מאיר האגער שליט"א, בנו יחידו פון כ"ק אדמו"ר מוויזניץ שליט"א פון וויליאמסבורג, מיט די חתן א זון פון כ"ק אדמו"ר מטארנא שליט"א. – די שמחת השבע ברכות קומט פאר אין ביהמ"ד הגדול וויזניץ אין מאנסי, צוגעשטעלט דורכ'ן זיידן כ"ק אדמו"ר מוויזניץ שליט"א פון בית שמש.
שמחת בית מאקאווא: היינט קומט פאר די שמחת השבע ברכות פון א אייניקל ביי כ"ק הגה"צ גאב"ד מאקאווא שליט"א, די חתן א זון פון זיין איידעם הגה"צ ר' אהרן מענדלזון שליט"א, זון פון הגה"צ גאב"ד קוממיות זצ"ל, מיט די כלה א טאכטער פון הרב מרדכי זילבערשטיין שליט"א פון אשדוד. – די שמחת השבע ברכות קומט פאר אין היכל ישיבת מאקאווא אין קרית אתא.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד מונקאטש אין וויליאמסבורג, נדבת הנגיד החסיד ר' אברהם יונה ליפשיץ הי"ו, די סעודה לגומרה של תורה קומט פאר אין קאנטינענטאל זאל.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד זוועהיל אויף סאמיט עוועניו אין מאנסי, אינאיינעם מיט די שמחת השבע ברכות פון די כלה א טאכטער ביים רב הביהמ"ד הגה"צ ר' בערל גאלדמאן שליט"א.
היינט קומט פאר די מעמד הכנסת ספר תורה וואס ווערט אריינגעגעבן אין היכל ישיבה הק' שער המלך אין בארא פארק, די סעודה לגומרה של תורה קומט פאר אין זמר זאל בבנין ת"ת ראחמיסטריווקא.
אריינצושיקן מודעות און נייעס, שיקט אן אימעיל צו NEWS@JDNMAIL.COM
