שמחת בית וויזניץ: היינט קומט פאר די לעצטע שמחת השבע ברכות פון א אור אייניקל ביי כ"ק אדמו"ר מוויזניץ שליט"א, אייניקל פון זיין איידעם כ"ק אדמו"ר מוויזניץ שליט"א פון בית שמש, די כלה א טאכטער פון זיין איידעם הגה"צ ר' חיים מאיר האגער שליט"א, בנו יחידו פון כ"ק אדמו"ר מויזניץ שליט"א פון וויליאמסבורג,, מיט די חתן א זון פון כ"ק אדמו"ר מטארנא שליט"א. – די שמחת השבע ברכות קומט פאר בבית האכסניא פונעם וויזניצער רבי'ן שליט"א אין לאס אנדזשעלעס, מיט די באטייליגונג פון נאך פינף וויזניצע רבי'ס, כ"ק האדמורי"ם מוויזניץ פון וומס"ב און בית שמש וואס קומען צו פארן לכבוד די שמחה במעונם, כ"ק האדמורי"ם מוויזניץ פון מאנסי און ירושלים וואס זענען צוגאסט אין קאליפארניע אויף אפרוה, און כ"ק אדמו"ר מוויזניץ פון קייאמישע וועלכער איז צוגאסט אין לאס אנדזשעלעס לטובת מוסדותיו הקדושים.
היינט קומט פאר די מעמד סיום כתיבת ספר תורה בחצר הקודש סקווירא, פאר די ספר תורה וואס איז געשריבן געווארן דורך כלל עדת חסידי סקווירא אין ראם פון מבצע קדשינו, זיך צו מחזק זיין קעגן די טעכנעלאגישע נסיונות, די מעמד קומט פאר אין די נייע ביהמ"ד הגדול אין שיכון סקווירא במקהלות אלפי חסידים ואנשי מעשה, אין שפיץ פון כ"ק אדמו"ר מסקווירא שליט"א וועלכער וועט משמיע זיין דברות קודש פאר תלמידיו וחסידיו הקרוים בנים.
היינט קומט פאר א מעמד צאתכם לשלום לכבודו פון כ"ק אדמו"ר מפאפא שליט"א, וועלכער פארט מארגן ארויס אויף א מסע הקודש עזרת אבותינו צום שטאט פאפא אין אונגארן, אין בעפארברייטונג צו די הילולא קדישא פון זקינו הרה"ק בעל ויגד יעקב מפאפא זי"ע, די מעמד קומט פאר אין ביהמ"ד הגדול פאפא אין וויליאמסבורג.
היינט נאכט כ"ח שבט געפאלט די יומא דהילולא קדישא פון כ"ק אדמו"ר מזוועהיל זצ"ל בעל יוקרא דמלכא, נכדו כ"ק אדמו"ר מזוועהיל שליט"א וועט אפרעכטן די יארצייט טיש אין ביהמ"ד הגדול זוועהיל אין ירושלים, און דערנאך ארויפגיין צום ציון הק' אויפן הר הזיתים בראש קהל חסידיו. נכדו כ"ק אדמו"ר מזוועהיל ירושלים שליט"א וועט אפרעכטן די יארצייט טיש בבית מדרשו, און ארויפגיין צום ציון הק' אויפן הר הזיתים.
היינט נאכט כ"ח שבט געפאלט די יומא דהילולא קדישא פון כ"ק אדמו"ר מזוטשקא זצ"ל, די קינדער כ"ק האדמורי"ם מזוטשקא, זוטשקא אמסנא, זוטשקא ירושלים, און זוטשקא מאנסי שליט"א, וועלן אפרעכטן די יארצייט טישן אין די בתי מדרשים, און ארויפגיים צום ציון הק' אויפן הר הזיתים להיפקד בדבר ישועה ורחמים.
היינט נאכט כ"ח שבט געפאלט די יומא דהילולא קדישא פון כ"ק אדמו"ר מליסקא זצ"ל, די קינדער כ"ק האדמורי"ם מליסקא און היבנוב שליט"א וועלן אפרעכטן די יארצייט טיש היינט אויפדערנאכט אין ביהמ"ד היבנוב אין בארא פארק.
כ"ק אדמו"ר מגאלאנטא שליט"א פארט היינט ארויס אויף א נסיעה קיין ארץ ישראל, לרגל די מעמד חנוכת הבית נאכן איבערבויען די גאלאנטא בית המדרש אין ירושלים עיה"ק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
