גרויסע נסים האט זיך אפגעשפילט יעצט נאכמיטאג פארנט פון ביהמ"ד הגדול אין שיכון סקווירא, ווען א גרויסע שילד וואס איז געהאנגען געווארן פארנט פון די גרויסע שאטער, און איז געהאלטן געווארן דורך דריי שטארקע אייזערנע הייב מאשינען, איז צוזאמגעפאלן אין רעזולטאט פון די גאר מאכטפולע ווינטן וואס בוזשעוועט אין די ראיאן.
בחסדי השם איז קיינער נישט געשעדיגט געווארן, טראץ וואס עס האט פאסירט אין א פארנומענע צייט פון מנחה און מעריב ווען צענדליגע אידן גייען דארט אריבער. עטליכע קארס וואס זענען געווען דארט פארקירט זענען געשעדיגט געווארן פון די שווערע לאסט און די אייזערנע שטאנגן.
