חסידי צאנז קלויזענבורג לעבן מיט די טעג הרחבת גבולי הקדושה, ווען עס האט זיך אנגעהויבן די פאקטישע בוי ארבעט אויפצובויען א שפאגל נייע פליגל צום גרויסן בנין פון די בית אסתר מיידל שולע, וואס געפונט זיך אויף די פופציגסטע סטריט צווישן די דרייצנטע און פערצנטע עוועניו.
נאך וואס די צאל תלמידות איז שטארק געוואקסן בליעה"ר, האט די הנהלה פון מרכז מוסדות צאנז קלויזענבורג אפגעקויפט א נייע שטח הארט נעבן די בניני המוסדות וואו עס געפונט זיך די בית אסתר מיידל שולע דחסידי צאנז קלויזענבורג, און אצינד האט מען אין א מזל'דיגע שעה אנגעהויבן די פאקטישע בוי ארבעט אויפצובויען א נייע געביידע, באהאפטן צו די אנדערע, וואס וועט צוברענגען נאך פילע קלאס צימערן מיט גרויס הרחבת הדעת פאר די תלמידות.
די נייע שטח וואס נעמט אריין נאנט צו דרייסיג טויזענט סקווער פיס, איז אין די יעצטיגע טעג צוגעגרייט געווארן ווען מ'האט אראפגעווארפן די אלטע געביידע וואס איז געשטאנען דארט.
