מאנטאג כי תצא ביינאכט
מארגן דינסטאג כי תצא, וועט כ"ק אדמו"ר מוויזניץ שליט"א פון קייאמישע און די קינדער, זיצן שבעה אין מאנסי אינעם רבינ'ס אכסניא בבית הנגיד החסיד ר' יודא יואל ראזענפעלד הי"ו אויף עישעל לעין, און פון מיטוואך וועט מען זיצן שבעה בביתו נאוה קודש פונעם רבי'ן אין קרית וויזניץ קייאמישע לעיק.
תפילת שחרית איז 9:15 און דערנאך ניחום אבלים ביז 1:30, תפילת מנחה איז 5:00, און דערנאך ניחום אבלים ביז 11:00 ביינאכט.
-------
מאנטאג כי תצא 7:00 פארנאכטס
די פרישע קבר אינעם אוהל פון די וויזניצע רעבעצינס ע"ה
-------
מאנטאג 6:15 נאכמיטאג
די מיטה איז נארוואס אנגעקומען צום בית החיים און ווערט יעצט אריינגעפירט אינעם אוהל פון הרבנית מוויזניץ ע''ה ווי די רעבעצין וועט קומען לקבורה
מאנטאג 5:55 נאכמיטאג
די מיטה גייט יעצט אריבער אויף רוט 306 ביים ווינקל פון ווייאולע ראוד אויפן וועג צום וויזניצע בית החיים אין מאנסי. כ''ק אדמו''ר מוויזניץ פון קיימישע שליט''א און די ברודער'ס האדמורי''ם מראחמיסטריווקא שליט''א באגלייטן די גאנצע וועג צופיס
מאנטאג כי תצא 5:25 נאכמיטאג
פילע אידן האבן יעצט אנגעהויבן באגלייטן די מיטה לענגאויס רוט 306 אינעם ריכטונג פונעם בית החיים
מאנטאג כי תצא 5:15 נאכמיטאג
מ'האט נארוואס גענדיגט די הקפות און מ'רייסט יעצט קריעה
מאנטאג כי תצא 5:10 נאכמיטאג
ביים מסע הלוי' אין מאנסי געפינען זיך יעצט די ברודער'ס כ''ק האדמ"רים מוויזניץ מאנסי, וויזניץ וויליאמסבורג, וויזניץ ירושלים, וויזניץ לאנדאן שליט''א און האדמו''ר מוויזניץ ב''פ שליט''א. ווי אויך די ברודער'ס כ''ק האדמורים מראחמיסטריווקא שליט''א. אזוי אויך זעט זיך אן דער מחותן הגה''צ ר' יוחנן וואזנער שליט''א ראב''ד סקווירא מיט זיין איידעם הגה''צ ר' יעקב יוסף גאלדמאן שליט''א דומ''ץ סקווירא ראמען אין מאנסי, האדמו''ר מקאסאן הילקערעסט און האדמו''ר מלויעב טשערנאביל פארשעי.
די הקפות ווערן יעצט פארגעזאגט דורך הרה''ג ר' יחיאל שטיימענץ שליט''א דומץ חברא קדישא
מאנטאג כי תצא 5:00 נאכמיטאג
די מיטה פון הרבנית מוויזניץ קיימישע ע''ה קומט יעצט אן פארנט פון בית המדרש הגדול וויזניץ אין מאנסי וואו מען גייט אנהייבן מאכן די הקפות אין רייסן קריעה
מאנטאג כי תצא 4:50 נאכמיטאג
די מיטה איז יעצט אנגעקומען צום גרויסן פארקינג פון תלמיד תורה וויזניץ בנין ווילחאוויץ אין מאנסי וואו עס איז שטיין פילע נשים וועלכע זענען געקומען אפגעבן די כבוד האחרון פאר'ן חשובע רעבעצין ע''ה
אין דער זעלבע צייט זענען פארזאמעלט פילע אידן ביים בית המדרש הגדול וויזניץ אין מאנסי צווישן זיי געפינען זיך די ברודער'ס כ''ק האדמו''ר מראחמיסטריווקא, מראחמיסטריווקא לעיקוואד, מאנסי און לינדען שליט''א אזוי אויך די שוואגער'ס האדמו''ר מבארנוב שליט''א און האדמו''ר משאץ שליט''א
מאנטאג כי תצא 4:30 נאכמיטאג
די מיטה איז יעצט אנגעקומען צו ביתו נאווה קודש פון כ''ק אדמו''ר מוויזניץ פון מאנסי שליט''א. אין שטוב געפינט זיך די ברודער כ''ק אדמו''ר מראחמיסטריווקא אוקענוויין שליט''א
מאנטאג כי תצא 4:00 נאכמיטאג
אין מאנסי ווערן געמאכט די נויטיגע צוגרייטונגען צו די לוויה, וואס וועט פארקומען אין די קומענדיגע מינוטן.
------
מאנטאג כי תצא 3:10 נאכמיטאג
צוואנציג מינוט צוריק איז די מיטה אריינגעברענגט געווארן בביתו נאוה קודש פון הרה"ק מראחמיסטריווקא זי"ע, וואו די מאמע הרבנית הצדיקת מראחמיסטריווקא תבדל לחיים טובים ארוכים, האט זיך געזעגנט פון איר עלטסטן קינד, אינאיינעם מיט די בני המשפחה, די קינדער האדמורי"ם מראחמיסטריווקא שליט"א און די אייניקלעך.
דערנאך האט מען ארויסגעברענגט די מיטה אויפן גאס, וואו דער משב"ק לבית ראחמיסטריווקא הרה"ח ר' יהושע חיים קאסטען הי"ו האט געזאגט קל מלא רחמים, און אצינד באגלייט מען אויפן גאס איידער מען פארט ארויס קיין מאנסי בדרכה האחרונה.
מאנטאג כי תצא 2:45 נאכמיטאג
די מיטה איז נארוואס אנגעקומען פארנט פון ביתו נאוה קודש פון הרה"ק מראחמיסטריווקא זי"ע, וואו פילע אידן און בני המשפחה זענען פארזאמלט אפצוגעבן דעם כבוד האחרון.
מאנטאג כי תצא 1:50 נאכמיטאג
נאך די לוויה אין סקווירא, איז די מיטה ארויסגעפארן אויפן וועג קיין בארא פארק, וואו די לוויה וועט פארקומען בערך 2:45 פארנט פון ביתו נאוה קודש פון הרה"ק מראחמיסטריווקא זי"ע.
-------
די לוויה אויף די גאסן אין קרית וויזניץ קייאמישע לעיק
-------
מאנטאג כי תצא 1:30 נאכמיטאג
פארנט פון ביתו נאוה קודש פון הרה"ק מראחמיסטריווקא זי"ע, ווערן געמאכט די נויטיגע צוגרייטונגען צו די לוויה, וואס וועט פארקומען בערך אין א שעה ארום, מיט די באטייליגונג פון די מאמע הרבנית הצדיקת מראחמיסטריווקא תליט"א, כ"ק אדמו"ר מוויזניץ שליט"א פון קייאמישע און זיינע קינדער, און די ברידער כ"ק האדמורי"ם מראחמיסטריווקא שליט"א.
מאנטאג כי תצא 1:15 נאכמיטאג
אויף די וויזניצע בית החיים אין מאנסי מאכט מען שוין די צוגרייטונגען צו די לוויה, וואו די רעבעצין ע"ה וועט קומען לקבורה אינעם אהל פון די שוויגער הרבנית הצדיקת מוויזניץ ע"ה, אשת חבר הרה"ק בעל תורת מרדכי מוויזניץ זי"ע, וואו עס ליגט שוין אויך די שוועגערין הרבנית הצדיקת מוויזניץ ע"ה, אשת חבר כ"ק אדמו"ר מוויזניץ שליט"א פון מאנסי, וועלכער איז נפטר געווארן דעם חודש טבת.
-------
מאנטאג כי תצא 1:00 מיטאג
ראקלענד חברים האט ארויסגעשטעלט אן אלערט פאר תושבי מאנסי, אין בעפארברייטונג צו די לוויה פון הרבנית הצדיקת מוויזניץ קייאמישע ע"ה, ווי באריכטעט וועט די לוויה פארקומען ארום 4:30 נאכמיטאג ביי ביהמ"ד הגדול אין שיכון וויזניץ מאנסי, בעפאר דעם וועט די מיטה דורכגיין די פארקינג לאט פון ת"ת וויזניץ בנין ווילחאוויץ, וואו די נשים וועלן זיך פארזאמלען אפצוגעבן דעם כבוד האחרון.
פון די וויזניצע בית המדרש אויף פיליס טערעס וועט מען באגלייטן צופיס דעם גאנצן וועג ארויף, לענגאויס רוט 306 ביזן וויזניצע בית החיים, און דעריבער וועט 306 זיין פארשלאסן דורכאויס די לוויה.
------
מאנטאג כי תצא 12:10 מיטאג
יעצט נאך די מסע הלוויה פארנט פון ביהמ"ד הגדול אין קרית וויזניץ קייאמישע לעיק, איז די מיטה ארויסגעפארן אויפן וועג קיין בארא פארק. אונטערוועגנס ארום 1:10 וועט מען זיך אפשטעלן פארנט פון די עטרת טשארנא זאל נעבן שיכון סקווירא, וואו דער דאפלטער פעטער כ"ק אדמו"ר מסקווירא שליט"א וועט ארויסקומען באגלייטן די מיטה בראש קהל חסידיו, אינאיינעם מיט די הונדערטער בחורי הישיבות הקדושות דחסידי סקווירא.
אזוי אויך איז געווארן אפגעשטופט מיט א שעה די שמחת החתונה בחצר הקודש סקווירא, די חתן א דאפלטע אור אייניקל פון כ"ק אדמו"ר מסקווירא שליט"א, מיט די כלה א טאכטער פון כ"ק אדמו"ר מראחמיסטריווקא שליט"א פון אוקוויין. די מעמד קבלת פנים וועט זיך אנהייבן הערשט 6:30, צו ערמעגליכן פאר די בני המשפחה זיך צו משתתף זיין ביי די לוויה אין מאנסי.
די צענטראלע שמחת השבע ברכות בחצר הקודש סקווירא, וואס האט געזאלט פארקומען בנעילת ימי השמחה קומענדיגע וואך זונטאג, וועט אנדערש ווי געפלאנט פארקומען דעם מיטוואך אין ביהמ"ד הגדול אין שיכון סקווירא, און די לעצטע שבע ברכות זונטאג פארנאכטס וועט פארקומען אין ראחמיסטריווקא בית המדרש אין אוקוויין, נאכן סיום ימי השבעה.
-------
מאנטאג כי תצא 10:30 פארמיטאג
יעצט איז באשטעטיגט געווארן אז נאך די לוויה אין גיבערס, וועט די מיטה געפירט ווערן קיין בארא פארק, וואו די לוויה וועט פארקומען פארנט פון ביתו נאוה קודש פון איר גרויסן פאטער הרה"ק מראחמיסטריווקא זי"ע, מיט די באטייליגונג פון די מוטער די הויכגעשעצטע רעבעצין תבדל לחיים טובים ארוכים. פון דארט וועט די מיטה געפירט ווערן קיין מאנסי, וואו די לוויה וועט פארקומען 4:30 נאכמיטאג פארנט פון ביהמ"ד הגדול אין שיכון וויזניץ מאנסי, און פון דארט וועט מען באגלייטן די מיטה צופיס ביז די וויזניצע בית החיים, וואו די רעבעצין וועט קומען לקבורה אינעם אוהל פון די וויזניצע רעבעצינס, נעבן דעם ציון הק' פון הרה"ק בעל תורת מרדכי מוויזניץ זי"ע.
-------
מאנטאג כי תצא 9:00 פארמיטאג
די לוויה איז באשטימט אויף צען דרייסיג פארמיטאג פארנט פון ביהמ"ד הגדול אין קרית וויזניץ קייאמישע לעיק, וואו מען וועט דורכפירן די הקפות כנהוג און זיך געזעגענען, דערנאך וועט די לוויה אריבערגיין נעבן די בנין הישיבה אין גיבערס וואו די נשים וועלן זיך פארזאמלען אפצוגעבן דעם כבוד האחרון.
שפעטער נאכמיטאג וועט פארקומען די לוויה פארנט פון ביהמ"ד הגדול אין שיכון וויזניץ מאנסי, און פון דארט וועט מען באגלייטן די מיטה צופיס ביז די וויזניצע בית החיים, וואו די רעבעצין וועט קומען לקבורה אינעם אוהל פון די וויזניצע רעבעצינס, נעבן דעם ציון הק' פון הרה"ק בעל תורת מרדכי מוויזניץ זי"ע.
