א העלישע פייער האט אויסגעבראכן היינט פארטאגס ביי די ליובאוויטשע בית המדרש "חסידים אוו די הייטס", וואס געפונט זיך ביים ווינקל פון נארט רידזש ראוד און אווערלוק ראוד אין פאמאונע הייטס, וואו די גאנצע שוהל געביידע איז ארויף אין פלאמען.
די פייער האט זיך אנגעהויבן ארום פינף אזייגער פארטאגס, ווען פייער באאמטע זענען אנגעקומען אויפן סצענע איז די גאנצע בנין שוין געווען איינגעהילט אין העלישע פלאמען, נישט געבנדיג די מעגליכקייט צו ראטעווען סיי וואס. גאר שווער האבן זיי געארבעט איבערצוקומען די פלאמען, מיטן הילף פון א רייע פייער דעפארטמענטס פון די ארומיגע געגנטער, און נאך עטליכע שעה האט מען פארלאשן די פייער, ווען די גאנצע בנין איז גענצליך פארניכטעט רח"ל.
ליידער האט מען נישט געקענט ארויסראטעווען די ספרי תורה צוליב די שעדליכע פלאמען, אבער מען האפט אז די ספרי תורה זענען גאנץ, נאך וואס עס געפונט זיך אין א גוט באשיצטע סעיף, וואס קען אויסשטיין פייער און וואסער. פילע ספרי קודש און תפילין זענען ליידער אוועק אינעם רויעך, און עס האט ב"ה נישט געקאסט קיין מענטשליכע שאדן.
