א קליינע פייער האט פאסירט היינט נאכמיטאג אין ביהמ"ד זרע קודש ביי די זעכצנטע עוועניו און די דריי און פופציגסטע סטריט אין בארא פארק, און איז ב"ה געברענגט געווארן אונטער קאנטראל אין א קורצע צייט, אן קיין ערנסטע שאדן.
די פייער האט זיך אנגעהויבן אין די בוילער רום פון די שוהל, און האט אנגעברענגט א רויעך און פייער שמעק אין די שוהל. פייערלעשער זענען אלארמירט געווארן צו די סצענע און באוויזן צו פארלעשן די פייער, אן וואס די שוהל זאל ליידן צו ערנסטע שאדן.
